人始終都要死一次，返工點都有可能遲到，今日終於一嚐喺紅線下簽到嘅滋味。當有知覺嘅時候已經喺八時多，死趕難趕成九點三先返到公司，途中打咗個電話比senior，誰知佢話：『唔緊要啦！一個月有兩次機會！』 .. .. .. 有時對住哩位大哥，真的有點無所適從，平時聲大大 (好彩有貨賣)，佢雖然講嘢大聲，性子很急，但係佢都好錫我，只係要求所有事都依照規矩，係一個好典型嘅公務員，平時又肯教我，喺個人亂啲 (佢太多嘢唸太多嘢記，所以有時思緒較亂)，其他一切正常！
而我，哩個幾禮拜嘅生活，都比較亂，無論身體機能或是心靈上，都尤如打仗般，觸目驚心、不安、煩躁、失魂 .. .. .. (要食靜心？)
上個禮拜初終於睇咗醫生嘞，喺中環診所內，make 咗 appointment 都要等成個幾鐘，一路等一路擔心 .. .. .. 眼見診所內嘅病人進進出出，有啲要上樓上驗血，有啲要落樓攞錢找數，越等越急越不安 .. .. .. 雖然醫生幫我check完之後話我冇事，只要放鬆心情就可以了，冇藥食，靠自己 .. .. .. 但總教人有點不安 .. .. ..
經過身邊朋友嘅淘毒，終於落答成為iphone嘅俘虜！
由喺apple store落order，到courier將新玩意送到手上，都足足等咗36小時，簡直望穿秋水啊！
仲急不及待幫佢著返件靚衫保護佢先！
不過 .. .. .. 一雞明一雞死 .. .. .. b記錶帶終於敖唔住 .. .. .. 爛到戴都戴唔到嘞 .. .. .. 
早幾日收到HA嘅信，安排下個星期三 interview！
又要溫書嘞！今次仲要考埋基本法，九個章節，160條條文，雖然試題嘅形式只係需要20分鐘內做15題 MC，但係都要做足準備，能否回巢，基本法都係評審條件之一！
有朋友問，你都做開哩行啦，點解仲要溫書呢？
因為 .. .. .. 平時係唔會記住曬所有數字，可以查例書同查表嫁嘛 .. .. .. interview 時邊有得唻比你睇書喎！
朋友又可能會問，做僅 3 + 3，點解仲要轉呀？
因為可能有 increment 囉！
anyway走唔走，都要睇吓HA會唔會請番我哩個判徒先啦！
官場黑暗呀！
而且今次得自己一個溫書 .. .. .. 都係用平常心罷！
復活節假嘅重頭戲終於公演嘞“我和花姐有個約會”及“恭介與波兒”
我似唔似波兒呀？
一行十人 (大人加小朋友)約咗喺尖咀high tea，花姐喺等僅啲姐姐 & aunt嘅時候，已經急不及待同成個場嗰幾間餐廳嘅receptionist打成一片，佢就唻連無印都入埋去掃場，連經過嘅一干人等，不論國藉，花姐都發揮佢親善大使嘅本識，一個揮手，一個傻笑，氹得每個人都要停落唻同佢玩。
好彩波兒都有倦嘅一刻，如果唔係班 姐姐 and aunt 邊有得休息呀！
至於南南，同佢爸爸一樣，繼續扮演 cool 少一角，成日逃避我哋嘅目光，用佢隻大大的小手遮掩住自己塊臉，實行“我睇你唔到”嘅政策，好彩花姐幫佢warn up一吓，到走嘅時候終於開始放膽同姐姐 & aunt有眼神嘅交流。
到最後 .. .. .. 班姐姐 and aunt 係唔記得影大合照 .. .. ..
熱切期待 大嶼山360 之旅 .. .. ..
其實想坐咗 360 好耐嘞，不過一路都冇人陪 .. .. ..
姊妹們，記得到時帶蚊怕水同蚊貼呀！
後記：問姐姐借咗部 canon 400D幫BB影相，但係佢哋又唔比說明書我，問大豬扒邊度較光圈 .. .. ..
雖然啲相確實係靚啲sharp啲，不過部機真係好重 .. .. ..
