mama 已經急不及待咁同我著新衫，去街街！
斷碼嘅babygap (3-6 months)：明知好快唔啱都要買，因為mama鍾意紫色！就連工人姐姐都同mama講：「太太，bb件衫好細件呀！」
又係babygap嘅 crawler褲 (6-12 months)：明明 6-12 個月都咁細條，一歲時點著呀！(喺knee處加咗pad，到九個月識趴時就可以墊住，所以叫crawler褲)
件衫仔係 tailor made 繡咗我個名名 "katrina"，mama order 咗9 months，但 .. .. ..
再一次證實 .. .. .. 鬼佬 size 唔係大件啲架！
仲有紫色 tutu 裙，mama話凍凍，唔比著！
除咗淘寶同郵購，我仲會上外國網站訂嘢返香港！今次係 BabyGAP 同喺www.etsy.com tailor made 咗啲嘢返唻！(好耐都冇用 PAYPAL 比錢，差點兒連 password都忘了)
今次要嗚謝AMY！佢託父母幫我由美國帶貨回港！
貨已到，但要等到今晚先有得攞，所以急不及待叫好友拆開影相，安撫下我嘅情緒！
淨係睇相我已經 hyper 咗！
今晚收到貨，一定將條裙帶落瞳瞳個頭處 – 扮假髮！
Wahaahaahaahaaaaaaaa ~~ 癲咗
瞳瞳近排好鍾意擺嘢入口，之前只不過係開口 “lam” 佢 “lam” 到嘅嘢 (即好似食人花咁，掂到就會開口食)，但近日發覺，佢開始有意識地擺嘢入口，甚至見到人家食嘢，就會流口水！
一般人主張等到bb 6個月大先開始餵固體食物 (待腸胃發展得健全一點)，而各嬰先食品都標明 4個月就可以開始進食，亦有人話要配合個別嬰兒發展，喺佢哋開始對其他食品有興趣嘅開首，比點固體食物佢，比佢 explode 下，仲話要抓緊時間 tim。
有見及此，我決定喺瞳瞳足 5 個月時，獻出佢嘅第一次！
之前都做過吓資料搜集，係營養及易買度嘅比較下，揀選咗一隻有機嘅米糊比瞳瞳。(有個 mama 好有心機，買晒市面嘅米糊親身試食，我決定 .. .. .. 跟 .. .. .. 嗰位 mama 嘅選擇)
哩位小朋友，每次有新嘗試，必定擺出哩個 “so excited” 嘅樣 (第一次坐 upright 咗嘅 high chair)
大約喺瞳瞳三個月嘅時候，每日就開始用 spoon 餵佢飲水水，所以瞳瞳對 spoon 一啲都唔抗拒
食到
回吐
追食
由於初次體驗，所以只係餵咗十多啖就收工
小插曲
話說哩個大懵mama將 tablespoon同teaspoon 攪錯咗，起初跟足指示，1 tablespoon (其實用咗 teaspoon) + 30 ml 奶，餵咗幾啖見瞳瞳出奇地可以吞晒，就開始發覺唔對路 .. .. .. 決定再加多一tablespoon (teaspoon)，都係發覺稀稀地，再膽粗粗加多一 tablespoon (teaspoon)，個 texture 先至似番啲樣。
但事後先發現 .. .. .. tablespoon 係湯匙呀~~~
拍咗短片，後補！
自從實行定時開餐後，瞳瞳夜間嘅瞓覺時間都有咗規律
18:30 Milk Time
18:50 Mama 返到屋企，開始玩玩玩 <喪玩>
19:30 Dinner Time
19:45 玩玩玩
20:30 熄燈準備
21:00 ~ 21:30 瞓著
00:00 ~ 01:30 Last Milk Time <通常都叫醒佢開餐>
飲完最後嗰餐，瞳瞳就會繼續瞓瞓瞓，直至天光！
但間唔中都會喺四點幾至六點哩段時間叫幾聲，只要比個咀咀佢，mama 就可以再瞓瞓瞓.
06:00 姐姐起身，抱瞳瞳出廳 <可以繼續瞓>
06:30 Milk Time <之後再瞓，直至 8:30 ~ 9:00>
近排瞳瞳可能發覺，只要佢 8:00 起身，就可以見到 papa & mama，所以
mama，你返工罷啦！
一向用開 CHUCHU 乳膠十字咀，近哩個幾月發現咀咀啜完唔識回彈 (凹咗)，再加上瞳瞳都開始大個，就唸住比矽膠 (透明) 比佢試吓 .. .. .. 點知 .. .. .. 佢當安撫奶咀咁玩 .. .. .. 唯有換一批乳膠咀返唻啦 .. .. ..
搵咗好耐先發現原來乳膠咀已經唔再生產，八月起香港代理唔再入貨，唔怪得知我十月搵，一盒都冇啦 .. .. .. 咁點算呀 ~~~
試咗同 brand 新出嘅超柔軟螺旋咀 .. .. .. 真係好軟呀，不過瞳瞳都係啜唔到 (事後先知原來一直都用錯方法比佢用CHUCHU咀)，唯有再買 .. .. ..
首先買咗 PACK NUK 看門口，之後再買 PIGEON，但又搵咗一陣，發覺PIGEON乳膠咀係冇 M SIZE，某有買多個打孔器.
但 .. .. .. 原來啲窿並唔易打架！
第一次 STREAM 咗先打，結果打到一忽忽，有啲大，有啲細 (因手傷，唯有 PAPA 出手)。 最後再買新嘅返唻，親自操刀 .. .. ..
雖然成功打大咗個窿，但衰妹都唔多願用 .. .. .. 唯有再周圍撲絕版貨！
撲咗一輪，終於比我搵到一盒 (由一個好心 MAMA 讓出)，點知 .. .. ..
瞳瞳肯用新嘅 PIGEON 咀嘞 .. .. .. 結果
可以去哩處, "like" / "讚好" 下 瞳瞳嗎?
要喺FB內嘅 "我愛mama" 處 "like" / "讚好" 加入社群, 再去瞳瞳 條 link "like" / "讚好" 先得架~~~
http://www.facebook.com/woaimama
瞳瞳好需要你哋嘅一票架 ~~~ plsssssss ~~~~ !
今日瞳瞳 100th Day 嘞！MAMA 祝你健康快樂！
星期六幫瞳瞳攪咗個 100th DAY PARTY！雖然都有扭吓計，但已經算好合作架嘞！
Thank you for your co-operation！
為咗滿足一己私慾，我又做咗啲敗家嘢嘞！
Order 咗個靚靚蛋糕
買咗可愛波波同做咗塊 “零成本” 嘅 welcome board！
但可惜 .. .. .. 冇買閃光燈，攪到有好多相都黃咗 or 爆光！
哩張執咗好耐都 .. .. .. 唉！難得瞳瞳同我都一齊望境 .. .. ..
星期天見有太陽、有涼風，就帶咗瞳瞳去公園遊玩一番！比佢聽吓雀仔叫，比佢吹吓涼風，總好過去屈係屋企或行商場。
瞳瞳全程都好合作，冇扭計。就算比mama抱起影相都冇面露不悅。雖然只係逗留咗個多小時，我倆都已經汗流浹背！
臨走時，仲影咗張 "棄嬰" 相添
zoom近啲 .. .. .. 條o靚妹都不知幾咁享受 "被棄" 嘅時刻 .. .. ..
繼瞳瞳於未出世前，喺EXPO參加P牌片片抽獎中贏得三包S Size 片片後又一新突破 – 失而復得！
終於可以見番出世第二日嘅瞳瞳bb嘞！
瞳瞳出世嘅第二日，papa唔見咗部相機，裡面拍攝咗瞳瞳出世後嘅珍貴相片！唔見相機，固然肉痛，但唔見咗瞳瞳第二日嘅相(幸好已backup第一日出世嘅相片)，簡直心痛，每次唸起都眼濕濕，又唔可以同人講，只可以喺育嬰室Bfeeding時同瞳瞳傾訴 .. .. ..
事隔接近三個月(保險claim咗，新機買咗)，仍然冇 “佢” 嘅消息，直至 .. .. ..
上星期分別收到醫院同迪士尼嘅電話，查詢有冇曾經遺失相機 .. .. .. 我部500D呀 ~~~~
我相信司機叔叔一早已經將 “佢” 帶到差館，由於報案時冇提供相機嘅S/N，警方做唔到失物 matching，唯有翻閱相機內嘅相片，尋找線索。
尋咗兩個幾月，佢哋終於憑1月中嘅一張相(去迪士尼酒店時拍下嘅房間編號)及瞳瞳於育嬰室內嘅床仔編號，再經醫院搵到我嘞！
第一時間飛身去差館接番第二日嘅瞳瞳bb返唻！再二話不說咁backup相片！
而家屋企有
再加埋
梗有一部喺附近
Mama不在家，瞳瞳好悶呀！雖然有姐姐陪，但始終冇傻mama陪我 “e” “e” “er” “er”，有啲唔習慣啊！
喺屋企冇嘢做，就唯有 .. .. .. ..
瞓 ~~~
飲 ~~~
好彩今日有表姐唻同我玩咋，又可以幫mama影低瞳瞳嘅生活照添！
Thx表姐啊！
瞳瞳，mama要返工嘞！
再唔可以喺屋企陪你傾偈，陪你玩搖鈴，陪你 “e” “e” “er” “er” 咁亂噏一通！
mama 好想陪住你成長，就算喺屋企無無聊聊咁教吓你伸脷仔，我都覺得好好玩！
你係屬於 mama 嘅一件私人玩具啊！呵！呵！呵！
可惜，哩件玩具會長大，會成長，會獨立！到時你就唔會陪我玩架嘞！
我好希望可以成為你嘅玩伴，陪你笑，陪你分享！假若你有唔開心，咁 mama 就會令到你笑，令到你開心！
不如 .. .. .. 我哋做一世嘅好朋友！好嗎？
你要乖乖呀！中午嘅時間要多睡一點，等 mama 放工返唻，可以同你玩，陪吓你笑。要不然你要到週末，先可以同 mama 暢玩一番啊！
但願我能夠做一個全職 mama ，在你身邊，守候住你，陪你成長啊！
