我有一個爸爸 .. .. ..

我有一個年齡同我相距44年的爸爸！

他疼愛自己嘅兒女嗎？ .. .. .. 我相信佢十分疼！(記憶中，細個時爸爸帶過我去荔園，玩星際八爪魚)

他有盡做父親的責任嗎？ .. .. .. 有，每天辛勞咁工作超過十小時，一個月得兩日大假，每月會將大部份薪金給予媽媽作家用！所有我可以成長在一個小康之家！(年長嘅哥哥及家姊們都已上班工作)

但他懂得同子女溝通嗎？ .. .. .. 不懂得！尤其係對我哩個同佢相隔咗一整代距離嘅女兒！

怪他不善詞令嗎？

怪自己眼淺嗎？

怪自己冇能力嗎？

還係怪我自己，唔應該帶小虎妹唻哩個世界嗎？

只為一幢小事而已，但足以令一邊吃飯一邊流淚，亦足以令我躲在房間哭了半小時，更加能令我雙眼繼續通紅，直至而家！

哩段期間

要開始搵屋 “租” .. .. .. 只怪自己冇能力買一間或租一間大一點的！

要開始搵工人 .. .. .. 只怪自己冇能力放棄工作，專心揍大小虎妹！.. .. .. 亦沒有人可以幫我看管小虎妹！

.. .. .. 只怪自己唔係專業人士(當初冇堅持完成課程)！

當初希望擁有一個屬於自己嘅小生命，究竟又係唔係一個錯誤嘅決定！

只怪自己自私？只怪自己任性？

 

我知！

我媽媽一定有一點後悔或自責，唔能夠幫多我一點！

她也老了！

買‧買‧買之吉豬島篇

二百蚊，可以買到幾多 bb 衫？

答案係‧八件呀！

由於吉豬島搬遷大割引，大量貨品低至半價，而且額外仲有九折！不過佢啲價錢牌釘到亂晒，未到比錢都唔知每件貨品實際價錢！

由左下起: 粉紅色衫仔 ($17.9); 粉紅及白色 body ( total $35.9); 鴨仔低衫 ($13.4)

由左上起: 黃色夾衣 size 80 ($45); 藍色夾衣 size 80 ($45); 粉紅色夾衣 size 70 ($35.9); 粉紅色和尚衫 ($26.9)

多謝 $220

有一次試過收咗工行過吉豬島，嬰兒部人山人海到我都唔敢行埋去睇啲衫仔﹝啲人掛住買嘢，係唔好留意你有冇大住個肚，更何況我個肚仔，邊有咁多人留意到﹞。幸好喺媽媽處食埋晚飯，約八點半，先冇咁多人。不過全程我都企埋一邊，等國寶大人出手抄。

最後都不自覺咁買咗啲粉紅色衫仔比小虎妹！

新年做啲乜東東？

新年除咗去拜年派利是之外，仲有就係逗利是！

家中幼女 and 有大家族嘅好處就係結咗婚之後仲有利是收。雖然今年要送禮拜年，但哩啲利是錢都可以幫補吓！唔止我有收獲，小虎妹仲逗得多and大封過我。

多謝大姑媽嘅漆皮黑鞋仔！

不過大家請放心，我唔好將小虎妹嘅壓歲錢收歸國有嘅，我唸住六歲之前，就將所有利是儲起佢，六歲後就喺利是錢處留起一份，比佢自己用，教吓佢理財都好！買玩具又得，買零食又得，得咗！hoohoohooo！

多謝 auntie Rachel 送比我嘅日本守護符，好靚靚呀！

我自己都唔弱，買咗個新包包比自己，仲有個小包包tim！全部都係因為有虎虎造型，再加上喺chocolate rain 嘅 product。好想買佢啲嘢好耐嘞！不過價錢較貴，唔係好捨得！我想上佢啲 workshop 架，不過都係因為太貴，所以卻步了！

最終新年前都去咗法國交咗deposit。未比錢之前，就僅係喺婦產科個ward到周圍行吓啦！環境 .. .. .. 唔錯，唔錯！原來main bldg係新淨過上次入住嗰個 wing。不過都真係好full呀！間間房都差唔多 full house，唔知到時可唔可以同香港媽媽 share 一間三人房呢？最好可以occupy埋窗邊位 .. .. .. ﹝講到好似去住酒店咁！老細，你而家係要去生仔呀！﹞

之後就僅係去睇吓育嬰室。但由於育嬰室係閒人禁止，只有breast feeding時媽媽先可以入去，就連papa想見bb一面，一日都係得一個機會﹝隔住玻璃﹞。雖然好似好慘咁，但過多兩日bb跟你返屋企，就有排你煩！haahaahaaaaa！

咁就比咗錢！最後我又會唔會選擇去私家生bb呢？始終都仲係一個“迷”！

頑皮的小虎妹‧郁郁踢踢冇時定

小虎妹過埋年就大個女嘞！今日足足有二十週大了！mama祝你快高長大！身體健康！聰明伶俐！開開心心！

今年提早行年宵，可能係年宵第一日再加上黃昏落過大雨，成個維園都得少貓三四隻，擺檔嘅學生妹妹仲多過遊人，我就輕輕鬆鬆咁買咗 .. .. ..

 

一隻比同事個囝囝﹝due date 只係同小虎妹相差兩星期﹞，而另一隻就留比小虎妹，mama咁做，都係想幫小虎妹搵定老公仔，話晒將來女多男少嘛！hoohoohooo .. .. ..

仲買咗一家大細虎年造型串串吉，遲啲補返張相比大家睇吓啦！

小虎妹真係大個女嘞！過年嗰幾日，我終於feel到佢 .. .. .. 郁！keekeeee .. .. ..

其實喺好耐之前，已經feel 過一次，不過當時小虎妹只係喺肚皮上彈咗一吓，我都唔知堅定留！至於第二次，就係小虎妹第一次上堂 – babyplus

 

嗰次一擺部機上肚皮，開著冇耐，就感覺到有一個wave喺肚皮上走過 .. .. .. 當時都疑幻疑真，仲以為部babyplus 個 pulse同啲羊水產生共嗚 .. .. .. 誰知 .. .. .. 直到年初三，去街街前同佢上多一節課，今次好明顯係小虎妹郁嘞，原本真係小虎妹佢郁呀！

只此之後，佢每一日係特定某幾個時段﹝尤其當我靜止坐低或準備瞓覺嘅狀態下﹞郁唻郁佢 .. .. .. 攪攪震，冇幫襯！

你郁唻郁去都好，證明你活潑健康，不過係好動咗好多！見小虎妹做Oscar ultrasound時，連續郁咗半個鐘，Dr.好辛苦先等到你停落唻，都知你第二時都唔方會坐定定了！

買‧買‧買之辦年貨

自從結婚後過嘅中國節日，再唔可以好似以前咁“齋”，由於係家中幼女，我唸“嘔突”嘅情況必定會出現。﹝家中幼女之餘，對上仲有n咁多個已婚嘅家姐及哥哥，淨係中秋節，已經要預備5盒月餅比佢哋 .. .. ..﹞

好彩今年攞咗家姐張護協證，再叫埋啲同事去掃貨 .. .. .. 嘩！大約七至八個家庭，total買咗成 $5xxx 嘅貨品，之後仲要喺條街到分贓 .. .. ..

 

行過嘅唔人仲以為有米派 .. .. .. haahaahaaaaaa！早之咁勇躣，就一早落 order 等送貨啦！

 

哩啲就係今年我嘅拜年賀禮嘞！不過原來其中一款教協賣平$7一盒，咁就蝕咗$42了！

買完糖果，就僅係到利是封啦！

 

有我最鍾情嘅紫色﹝mini版and square版﹞，仲有喺花園街買嘅“福滿旺吉賀春”套裝tim！有網友上taobao買，仲平過香港花園街。

 

三款利是封有三款唔同幣值，請問你哋想要邊款呢 ~~~ sorry，冇得揀，hoohoohoooo！

各位 auntie uncle！你哋又準備好大利是比小虎妹未呀！﹝記得自動埋唻繳蟹呀！人家小妹妹唻架，唔方便問auntie uncle 攞架！﹞

又一媽媽 .. .. ..

產後抑鬱，真係一個危險嘅殺手！一個初為人母嘅媽媽，開首要面對十個月身體改變所帶唻嘅不適，同一時間又要顧及自己嘅飲食，改變以往嘅習慣，遠離平日喜愛嘅食物，有時更會擔心寶寶嘅安危，繼而要學習照顧一個初生嬰兒﹝一舊粉團﹞，真係好吃力！

自己本身都係一個燥底王，情緒忽高忽低﹝近年已收歛了部份脾氣，再加上早一兩年嘅煎熬、磨練，人已變得冇力氣再去尋求什麼了﹞，都好擔心自己會係一個計時炸彈！

就好似要選擇去私家生 or 政府生，都令我十分懊腦！

上次廣華嘅經歷﹝可能懂性以唻嘅第一次入院，仲要係半夜﹞，心情及待遇都真係令我對政府醫院卻步。今次生產，都改去伊院做登記【一唻唔想再去廣華，二唻可以分開同public queue做產檢，三唻可以排隊等二等房﹝唔知其他政府醫院可唔可以呢﹞】。雖然避免咗再到廣華，但始終政府醫院對病人嘅處理情況都同私家醫院唔一樣 .. .. .. 唉！雖然政府醫院都係熬三日就要你走，但係當情緒跌到新低點時，身邊又冇任何一個人幫你照顧寶寶，真係一刻鐘都嫌多！

疊埋心水去私家生囉 .. .. .. ..！起碼工人 or 媽媽可以長伴左右，有咩事都多個人幫手嘛！﹝有朋友就試過，自己一個喺政府病房，對住一個粉團寶寶 and 四塊牆，寶寶又唔知做乜喊，嗰個 moment真係好陰公﹞！但係問心嗰句，只要熬三日，就可以慳返幾萬蚊 .. .. ..，要知道寶寶出世後就好似倒水咁，熬三日就可以買套迪士尼比寶寶喎 .. .. ..，又可以請個陪月喎 .. .. .. 唉！

但 .. .. .. 要去私家醫院交 deposit 嘞！唉 .. .. .. ！

寶寶未出世，除咗要決定去邊處生，仲要解決住屋問題及返工之後搵邊個照顧寶寶。工人就一定要請，公公婆婆都老了，冇能力全力照顧寶寶。淨請工人，又唔太放心，而且又要提供住宿 .. .. ..！

而家唯有暫時決定每日帶寶寶及工人去公公婆婆處 .. .. ..，工人或者瞓住廳先。或者租定樓，坐月時搬去新屋。又或者襯寶寶未出世就搬定先 .. .. .. 又或者 .. .. ..

全部都係同 $$$ 有關，試問這樣，我又豈能安心入私家呢 .. .. .. 雖然朋友都叫我要對自己好啲 .. .. .. 唉！

$$$ .. .. .. 我冇！壓死咗嘅股票就有一箱！只怪兩年前一個錯誤嘅決定﹝錯誤嘅決定又豈只一個呢﹞！

睇吓，寶寶未出世，就可能已經有產前抑鬱了，hoohoohooooo！

Today is my birthday!

過咗兩個禮拜嘅生日，到而家先 “的” 起心肝去寫返篇 blog，真係覺得自己有啲懶！

往年生日我都會選擇返工，同多啲同事一齊開心吓，但今年我決定請假，一唻要做好準備，二唻新公司嘅新同事都仲未去到好 friend 嗰隻，返到去都係得個悶字，三唻我決定返舊公司搵啲 friend 食飯﹝都冇人陪我食 lunch，一於返去搵吓佢哋啦﹞！

终於食到好好味嘅雞扒飯了，下次我一定會食雞扒番茄湯烏東！

之後就向迪士尼出發 .. .. .. 你做好準備未呀？

 

今次係第二次帶小虎妹入去了，上一次冇同過啲公仔影相，今次入去嘅 target 係 .. .. .. 影相！

 

海景露台房呀！

 

仲有啲 eye-shadow 好醜樣嘅米妮！

 

好耐好耐未試過一個咁開心嘅生日了！

2000年嘅生日‧韓國 .. .. ..！原來已經十年前了！

簡單‧開心

今年仲有小虎妹陪我 tim！