經過一輪嘅努力﹝其實都係填吓form上吓堂之類﹞，而家幫小虎妹儲備咗嘅存貨，睇怕都夠佢揀嘞啩！
但心目中都係會以母乳為首，若然真係要補奶粉，以上嘅牌子都唔係首選。
首選牌子，bb女梗係日本雪印啦！聽閒女仔食咗會又白又滑架！hoohooo！到時咪可以人見人愛，車見車載囉！
雖然四洲有代理日本雪印，但就冇mama會join，所以都冇辦法攞到一罐試用裝﹝450g﹞返唻看門口，唯有出院嘅時候，睇吓醫院有冇得送啦！﹝聽聞法國係有日本雪印比bb揀架﹞
到我嘞！尋日同好友食lunch，提起過想食蛋糕，點知夜晚就收到舊同學同佢女友嘅小禮物！多謝阿傑同 Crystal！你哋又知我想食蛋糕嘅？
其實讀書嘅時間，同阿傑都唔係太熟，佢嘅偏激性格，我都怕怕了！可能人大了，近年聽到佢嘅消息，都發覺佢比細個時，成熟咗好多﹝雖然都仲保持住 “牢騷
王” 嘅本質﹞，但眼見佢疼錫女友嘅表現，值得加許！你要比心機呀！
14/5 去DR CHEUNG 做產檢：小虎妹有 4 lb 1oz；
25/5 去 DR WONG做產檢：小虎妹有 5 lb 2oz；
哩條o靚妹仔，冇見十日，竟然重咗 1 lb .. .. .. 照咁計 -- > 十日增 一磅 ，到三十七週時，咪有 7l b 囉 .. .. .. 容乜易到四十週有成 9 lb 架！O！No！
醫生叫我唔會食咁多嘢 .. .. .. 不過 .. .. .. 佢話而家就算我唔食，小虎妹都會繼續長肉。
喺黑白嘅 U/S 下，佢塊面珠仔已經比上一次飽滿咗好多，而醫生仲話佢都有一定數量嘅頭髮，而家已經見到一點點黑色嘅，到出世時仲會比而家長，所以叫我唔駛擔心！
醫生仲補多句，話小虎妹而家成個 BB 樣咁 .. .. .. 乜有啲 BB 冇 BB 樣架咩？
真係有架，我見有啲BB出到唻，成個大人 OR 小童樣咁。
醫生仲報多個喜比我 tim，佢話小虎妹冇再玩臍帶嘞！而且仲要做咗個倒樹沖嘅姿態，頭向地，腳向天 .. .. .. 唔怪得知你哩期咁 “頂” 我啦，仲要頂肋骨！
不過 .. .. .. 未夠三十七週，你都唔好出唻呀！冇人照顧你架！
不過哩幾日都有間唔中feel到輕微嘅m痛感覺！唯有自己小心啲，休息多啲，開心多啲啦！
大口仔踢世界杯
今次抽到隻英國隊﹝英國我都 ok架，話晒都生活過一段日子，總有一個情意結﹞，希望有一日可以中到一隻球證啦！
隻大口仔係我架！唔係小虎妹架！
今個星期可謂喪忙！大嘅就忙住去玩 <馬交我唻嘞> 同扮靚靚！ PRE-MO相稍後post比大家睇！ ﹝好耐冇買化妝品，獎勵吓自己先﹞
細嘅就忙住踢呀、郁呀、拆樓呀﹝有次產檢，比醫生睇住佢出連環拳攻擊我，小虎妹仲唔斷正﹞、同 .. .. .. 收縮 .. .. ..
冇錯，係 .. .. ..『收縮』！
宮縮大約喺廿八九週開始，但從未試過好似早兩日咁 .. .. .. 一個鐘收兩次 .. .. .. 成個肚近 chest 嘅位置，硬到實的的咁﹝返到公司坐定定又縮，搭巴士返屋企又縮﹞，好彩冇痛咋，otherwise 就要入院觀察！﹝上 fourm睇過，有 mama 因為宮縮，要入院觀察，因嚴重嘅宮縮會影響寶寶嘅心跳同呼吸﹞
你夠膽就出唻見我，唔係就唔好咁頑皮，攪攪震！﹝仲要沒收晒你啲玩具﹞
有見及此，我都不敢怠慢，趕快洗衫同執定走佬袋！
醫生曾經提過，若然小虎妹未夠三十四週，作動起上唻就要去政府醫院，就算堅持去到私家，私家醫院一定唔收症，仲會趕你走tim！
求神拜佛啊！o靚妹仔，你未足月架！計週數又未夠，計磅數又先得嗰 四磅 多少少，而且陪月姨姨要六月中先完上一份 job；仲有呀！工人姐姐要六月初先到港，你咪咁頑皮，放鬆啲，要不然縮縮吓出咗唻架！
衫又未洗晒！新屋又未 set-up好！出到唻，冇地方你瞓，比你瞓住面盆先就得！
剛剛看完這個 video，好想同大家分享：
《雪糕伯伯 黃廣》 - Uncle Ice Cream Huang Guang
http://www.youtube.com/watch?v=-CbrsvAVdxo
伯伯真的陪伴了我們好幾個年頭！
伯伯真的老了很多很多！
夏日炎炎嘅時候最鍾意食伯伯嘅菠蘿冰﹝並唔係一杯杯 blend 好嘅菠蘿冰，而係將一塊菠蘿放入冰格，雪到佢變冰﹞，簡直涼透心啊！
伯伯真的為無數個中小學生付出了好多好多！
伯伯真係風雨不改咁推住架車仔，每日去到學校門口擺檔！
伯伯真的勾起咗我好多回憶！唔單至係中學時期嘅片段，仲有大學時嘅日子 .. .. ..
伯伯嘅堅持，試問有幾多人可以做得到！
幸福真係捉唔住架！唯有好好咁珍惜現在所擁有嘅 .. .. ..
延期再延期，終於有個日子可以安排吉豬島送貨嘞！
三月係吉豬島用雙九五折加買三千回贈二百買落嘅 STEAMER、BABYCOT、HIGH CHAIR AND STOLLER，安排咗星期日送貨。
阿運輸哥仔早一個鐘約實我三點，點知我呆等咗半個鐘先唻。要喺一間乜都冇嘅吉屋呆等半個鐘，真係會發毛架！
minimoto嘅床仔
TT 嘅 steamer
combi 嘅 high chair 
但 .. .. .. 還欠我架BB戰車呀！ .. .. .. 吉豬島嘅做法同十田有啲唔同。之前問過十田，落咗ORDER比咗錢嘅貨會KEEP STOCK 喺倉，所以貨期最多 KEEP一個月，otherwise貨物嘅packing有可能會有輕鬆破損。而吉豬島呢？貨期可keep三個月，但 .. .. .. 我架 combi 車因廠商冇貨提供，以至『缺貨』。但並唔係因為由三月缺貨到而家 .. .. .. 只係吉豬島喺送貨前先call 代理攞貨！就算我一早比咗錢咩，佢都會將我架車仔比咗其他人。
好彩ivy mama一早話咗比我知，近兩個月我哋架紫色 combi 已經冇得再訂，我先有個心理準備咋。最要不得嘅係 .. .. .. 送貨前一日先話我知冇囉！
我問個staff，乜唔係比咗錢就會keep貨喺倉咩，佢話代理本應話五月初有貨返，點知到而家都未有消息，所以暫時送唔到架車仔比我﹝佢灑開咗我個問題呀﹞！仲話可能六月初先返貨，但怕我趕住用，現貨有綠色，問我要唔要 .. .. .. nonono！我唔要綠色，我要紫色！佢話再幫我問香港代理喎 .. .. .. 我又睇吓佢問到啲咩回覆比我 .. .. ..
好彩小虎出世後，都要過兩個月先會用車仔帶佢出街，所以 .. .. .. 我等得！就算吉豬島話肯退番錢比我，件事我都唔會就咁收手。
首先，佢哋真係令到我冇咗架紫色車仔；第二，就係我冇可能可以喺市面，再遇到啲咁優惠嘅價錢去買番另一架車﹝原價$3880，用晒啲優惠，減到$29xx﹞；最後，我嘅opportunities cost呢？﹝opportunities cost好難去評估架，所以我一定 .. .. .. 嘈爆佢﹞
最新消息
員工甲真係依口齒，今日打唻覆我，話幫我搵到部紫色車仔嘞！不過要二十號打後先實確到送貨日期。我第一時間問：「diplay or 全新？」佢話係全新架，只係有個客之前比咗錢，但最後冇要到架車，所以就可以比我 .. .. .. 但心唸 .. .. .. 我都一早比咗錢啦 .. .. .. 我懷疑 .. .. .. 而家可以個倉得番幾部，唔夠分比訂咗嘅客人，所以 .. .. ..
寶寶豬，你嚇死mama嘞！平日活潑好動嘅你，喺大休息日嘅星期天，竟然唔睬mama papa！
星期六帶咗你出去睇傢俬，中間返咗屋企同你覺覺豬，夜晚先同aunties, uncles and哥哥姊姊食飯，當時你都仲好活躍。見到哈哈姊姊時，仲郁吓郁吓咁！
終於買咗套麵包超人比小虎妹了！平時水貨鋪要二百蚊，一田仲貴，賣$290，連淘寶 full set都要二百！但無意中發現，一田做 discount，只賣 $179！一set 有齊長短袍手套口水肩同帽仔，簡直有齊出院要著嘅衫仔！而家就由大舊衰示範一吓先！同場加影喺姿彩買嘅超平 chuchu 母乳奶樽！
點知第二日你就好似暈咗咁，只係間中好敷衍咁輕輕咁郁咗半吓，就算夜晚同婆婆姨媽們去食 buffet，食埋你最鍾意嘅雪糕，都冇乜睬我 .. .. ..
囡囡呀囡囡！你再係咁我就要同你去搵DR. 架嘞！﹝醫生及姑娘都提過，萬一BB嘅胎動情況比往常減少一半或以上，就要立即返醫院做檢查.. .. .. 小虎妹你點至郁少一半！只係得返十分一咋 .. .. .. 更何況你條臍帶仲纏住條頸仔﹞
其實當日都唔係太擔心，因為寶寶你都有郁過一兩吓，點知嗰晚就發咗個攪笑夢！
Mama 第二日就帶咗你去搵 DR.，醫生喺我肚皮上，拮咗好多支針﹝好似針灸咁呢！﹞，話用唻刺激吓肚仔喎 .. .. .. 過咗一陣，就見到啲針不停咁彈吓彈吓，仲要喪彈 .. .. .. haahaaaaaaa
夢就發完，第二朝寶寶跟往常一樣，郁不停啊！
一如以往的 .. .. .. 頑皮啊！
