2010

就到2010嘞，年尾有好多嘢做，除咗要買聖誕禮物之外，仲要四出搜購2010嘅 Schedule Book！

不過 .. .. .. 一係唔買，買咗就同我唻多兩本 .. .. ..

往年都會等等Felissimo 嘅Schedule，雖然年年有出，但就唔一定會送比你。但眼見等多陣連信和 last 嗰本gapspard et lisa都就唻冇埋，決定買咗佢，唔再等 Felissimo，誰知 .. .. ..

好彩身邊仲有朋友未買2010嘅Schedule，一放佢哋出唻, 唔駛五分鐘，就有朋友認領了！

有人帶你哋返屋企，總好過哩埋喺櫃筒過年！

Merry X’mas！

又到聖誕

叮！叮！叮！又到聖誕，又到聖誕 .. .. ..

有日無意中去咗海運，唔理天氣有幾凍，唔理落住幾大雨，都要去探吓“小天使”

 

太多人嘞！只好喺人群中穿插，幫“小天使”拍個照先

 

有朋友喺faebook問，點解天使仔要比人用膠箱困住 .. .. .. 其實哩個係佢嘅水晶球唻架！

又有一日，用五分鐘沖咗上朗豪坊影貓貓，但點解 .. .. .. 返工時間都仲咁多人架 (我都係用MA時間偷走出唻)

 彈琴嘅兔仔

仲有小小世界嘅聖誕篇

 

奈何 .. .. .. 到最後我都同唔到鼠鼠們影相，我只係見到佢哋個背影 .. .. ..

原來坐喺城堡前睇煙花，個感覺係唔同架！不過隔離坐咗對菲籍情侶，開場前喺咁用閃光燈玩自拍，我比佢個相機閃死咗 .. .. ..

 

 

堂記炸兩

終於食到堂記炸兩嘞！

某一個星期五，放咗學，去碰碰運氣，睇吓要等幾耐先有得食！

當然冇上次平日一去到就有位坐，但今次都只係等咗十多分鐘就有位嘞！

但人的確比平日多，連等碗粥嘅時間都耐咗，不過今晚竟然有炸兩！

堂記嘅炸兩，並唔係特別好食，但何解要令到為“佢”寫一篇網誌，係皆因 – 未食過！

唻咗幾次，炸兩定必售罄，我相信係因為佢嘅“油條”來貨 .. .. ..

不過 .. .. .. 都可以唔需要再試，留番碟quota叫多碟腸粉好過！

點解 .. .. .. 條油條好秀呀！又乾！再加上堂記出名嘅又滑又薄嘅皮，嗰一刻 .. .. . 真係唔知自己食咗啲咩落肚，就如食“風”一樣，唉！

Our NCS Course

星期初去咗training centre，上咗一個名為Natural Colour System嘅兩天課程，起初大家都唔係好清楚要做啲乜，只係知道要做一連串嘅workshop！

哩兩日內，我哋重覆又重覆咁做練習，務求要訓練自己嘅一雙眼睛，去分辨唔同嘅顏色。大家千其唔好以為好容易呀！要將相似嘅顏色再分類，要決定佢偏黑、偏白、偏紅、偏藍等等，而且仲要判斷埋佢究竟有幾多個percent係紅黃藍綠黑白 .. .. .. 係好困難架！

56張卡仔

首先要將佢哋分類

排列

對比

整理

最後嘅結果

哩啲就係哩兩日所做嘅練習

總括 .. .. .. 好好玩 .. .. . 不過玩到癲咗！

兒時最愛

天氣寒冷，除咗一杯熱騰騰嘅咖啡之外，暖笠笠嘅支裝維他奶都係一個好好嘅早餐之選！

而哩一支維他奶令我回想起小學時代，一支細支裝嘅，小食部都只係賣$1.2，大支裝都只係$1.5！

每日媽媽會比$1.5我返學校校，待小息時買一支大支裝嘅維他奶，做早餐飲料！而我每日偏偏儲起三毫子，只係要一支細支裝作早餐，剩低嘅，儲起佢，留返 .. .. .. 買雪條食！

Heehee！我真係識得慳家，而且又乖喎，冇叫媽媽添多些零用錢比我買零食，想食咩，都會自己儲起唻，有時仲同同學 share 一set 孖條，咁又可以再慳啲嘞！

整裝待發

雖然唔係第一次自己去旅行

雖然都試過全女班

但係今次可以叫做第一次 .. .. .. 孭背囊去旅行

四條女，返大陸！

唔係返深圳揼！

唔係去啲咩野生動物園！

今次要去嘅係 .. .. .. 客家土樓 – 世界遺產，三日兩夜大作戰！

由香港出發，搭個多鐘頭飛機到廈門，然後再坐二三四個鐘車去目的地！

土樓群最主要分永定同南靖兩個區域 .. .. .. 今次好似去 “南靖” .. .. .. 我唸！

因為我冇參與過編制行程嘅工作，自己亦冇做過資料搜集，今次純粹帶個軀殼去，方便比人擋晒我啲五臟六府去賣！

如果過幾日都冇我消息，記得幫手報公安呀！

小插曲之 -- 曇花一現

好不容易先搵返張保用證，唸住出發前可以配返條錶帶，咁就唔駛帶住隻鋼錶通山走，誰之 .. .. .. 轉頭我又唔知擺咗佢去邊 .. .. .. 唉！

一個星期後，“佢”又無端端出現返 .. .. .. 唉！

 

其實我已經買咗新錶 .. .. .. 唉！

等等等等等 .. .. ..

買日船章魚小丸子 .. .. .. 等咗大約十多分鐘

買comebuy .. .. .. 等咗多過十幾分鐘

搭小巴 .. .. .. 等咗三架車

總共用咗四十五分鐘由旺角上何文田

食晚飯 .. .. .. 等肚餓 (因為食咗小丸子and飲咗一大杯北海道奶綠，好飽)

食腸粉 .. .. .. 有位 .. .. .. 終於唔駛等

第一次去堂記唔駛等位，而等腸粉嘅時間都少咗，可能喺閒日原固啩！

地址: 佐敦文成街

唔該幫手記吓街名，唔好每次都同司機叔叔話：『渡船街嗰面，文乜樓呢！』

三條友，三碗粥，四碟腸粉，yummp！

蛙兒：我下次唔再一個人買comebuy or 日船之類嘅外賣上唻比你哋食！

我發脾氣：『我唔等嘞！』(雖然我係自願)

b 仔之官方答案

今日託Joyce幫我去b仔問吓，如果配返條錶帶要幾錢and幾耐時間，誰知卻換唻一個官方答案 .. .. ..

 

『你帶隻錶同埋保養書比我哋，之後再send去精工問吓，到時先覆到你幾錢同要幾耐時間！』

真係好想爆粗 .. .. ..

唯有聽日自己攞埋隻錶同保養書，去b仔搞埋啲手續啦！

唉！都唔知趕唔趕得切出發前整返好隻錶！

我唔想帶隻鋼錶出發呀！會唔會比人斬手架！

我將會去邊？遲少少再同大家透露。

希望我有命返唻，又或者冇比人賴低喺山頭啦！

2009 哈囉喂！

多謝艾力！因為有佢，今年有折扣飛去玩哈囉喂！

多謝Esther！因為有佢，我哋有南瓜巧克力！

多謝寶寶！因為有佢，我哋有南瓜囝囝！

有南瓜囝囝嘅好處 .. .. .. 就係失散咗，都可以喺眾多人頭內，搵返大家！                

今年我終於可以同紙紮公仔影相！

仲可以玩越礦飛車 and 跳樓機！

不過唔知係咪人大咗，玩跳樓機時，上到最高 .. .. .. 竟然覺得 .. .. .. 驚！

明明早兩年喺冬季嘉年華都唔驚嫁 .. .. .. wuwuuuwuuuuuu！

今年有得盡情咁玩，仲要係大家全心全意咁玩，真開心！

玩得一年得一年！ .. .. .. 都唔知仲有冇 .. .. .. 下次！

大食TEA！

尋日食大快活(有油脾、西多士、碗仔翅、紅豆冰)，今日食薯片！有時食燒肉，有時買腸粉！

一個禮拜總有一日大食TEA！

食客包括我哩啲低層，仲包括中層同高層，實行食！食！食！嘅大行動。

今日嘅薯片，喺帥兄喺澳洲帶返唻。一盒有十包，內有四款口味，除咗海鹽較普通外 .. .. .. 嘩！青檸味都係第一次試！好味！

全部 Senior 都唔係度！爽！仲有同事去買雞骨草 and 竹庶水飲！

有冇人會去澳洲呀！帶盒返唻做手信啦，好過買了結糖呀！

哩期興 .. .. .. ..

哩期興 .. .. .. ..買日本雜誌

為嘅唔係日本潮流資訊 .. .. .. 而係隨書附送嘅禮品

唉！又開始多一個不良嘅喜好了！

因為數個月後，屋企會多咗好多本雜誌 .. .. .. and 大大少少各式各樣嘅 .. .. .. 贈品！

哩個係上星期嘅戰利品

 

所有消息，我都係從哩個網知道架！塗毒吓大家先！

http://hk.myblog.yahoo.com/japazine-net

我和哈哈有個約會

由於之前錯過咗喺十二朝嘅時候，同姊妹們一齊去探哈哈，上星期終於抽到個空，入東涌，探哈哈！

哈哈全程都瞓瞓瞓(可能食飽飽)，無論我哋傾偈or笑，佢瞓覺嘅雅興都冇比我哋打擾過，好一個貪睡嘅寶寶。唔緊要，BB仔只要肯食肯瞓，就可以快高長大嘅嘞！

CONNIE AND 阿倫幫哈哈準備送比各位UNCLE / AUNT 嘅見面禮！

 

我唔捨得食呀！

之後就向迪樂尼出發！

Ink -- Gocco Print

今日一次過收兩個包裹！

Gocco Print Ink -- 上個星期五落 order，星期一就到嘞！

今次 order 咗 14支 ink！

除咗Gocco Print ink 外，我仲收埋 felissimo個福袋！

My Cuttlebug

Heeheee！

又一件玩具到手！要開始做工廠妹嘞！

.

.

.

.

但係今日發現

.

.

.

淘寶有 Cuttlebug 賣

.

.

.

.

灰爆

香港島的日偏蝕

除咗獅子座嘅流星雨，今次係我第二次觀賞天文現象！

喺公司搵咗個有利位置，同事們有的帶備專用鏡片，有的帶備已曝光嘅菲林，嘩！真係睇到嫁！

我哋班small potato再攪吓事，有人拆爛隻floppy，攞咗裡面塊黑色磁片，又有人周圍搵黑色cardboard，自製投影機 .. .. ..

(photo and picture, by M.C. Cheung, HA)

雖然哩張相片唔係我哋拍攝，但所睇到嘅影像都係一樣！咁就證明 .. .. .. 香港島同九龍都一樣睇到日偏蝕！

狂歡完一輪之後卻換來 .. .. .. .. 對眼好痛呀！

莫拉菲下之犧牲者

好一個莫拉菲，弄得星期天七點多起床，勞動了個多小時！

明明半夜起床時﹝被狂風暴雨吵醒﹞，巡視過所有窗戶，確保妥善關上及並無入水跡象，誰知 .. .. ..

一早醒來，睡房已成澤國，除咗平時會入水嘅窗，今次連衣櫃後面嘅氣窗都 .. .. .. 點解會知道衣櫃後面嘅窗入水？因為一早醒來，發現地下有一條水路，而床邊窗嘅水，又比佢吸晒 .. .. ..

 

抽絲剝繭下，唯有打開衣櫃背板嘅 “生口”，一往下看，已經見到有一灘 “水” ，幸好衣櫃係離牆而築，所以並冇弄濕，但可憐嘅維尼熊就 .. .. .. 濕透了！

My Gocco Print

終於寄到唻嘞！

第一次係ebay買嘢！第一次用 paypal！

不過仲未唸到 .. .. .. .. 買唻做乜！

暫時得六種顏色！

撒旦回歸之最後倒數 – 七天

今次封 offer letter 遞送嘅模式有點特別，HA嗰面竟然出 MEMO，問 ASD 攞人，起初我聴到哩個傳聞斱抱有懷疑態度，點都冇唸過HA會咁做，而且我都冇唸過喺今次咁黑箱作業嘅情況下，我哩啲叛徒可以有回歸嘅一日，直至泰利去咗CTO度攞咗封信，亦從CTO口中知道我都有份，先相信這個傳聞 ﹝因為當時我仲放僅病假，未能第一時間見證這件事之發生。﹞

整個流程，由收offer letter、medical exam嘅通知書至confirmation letter，差唔多兩個月。HA五月尾出信比ASD，六月初到手，六月尾驗身，七月中先收正式通知，當大家都以為可以趕及十四號前入職，最後都要攪到27/07/2009 (MON)！

But anyway，都算等到，起初都驚自己個驗身報告有問題﹝話晒都請咗成個星期sick leave，唔可以唔同醫生講我發生過啲咩事﹞，好彩最後都順利通過，又攪掂一件事！

雖然回歸HA，但已經唔再係DC嘅人，唔再坐Headquarter，而係去EMD﹝即係落村做保養﹞，工作地點可能係九龍灣，亦有可能係 .. .. .. 樂富 .. .. .. ！

近哩一年嘅衰氣，好似慢慢減退，希望所有事都能順順利利，咁我先可以變番惜日橫行霸道、開開心心嘅黎美美！

再者，我會比以前更加珍惜開心嘅時刻，更加珍惜真心愛我嘅人，有咩方法可以另到自己再開心啲，我都會去做，因為 .. .. .. 日子總有終結嘅一日！

買唔買？買唔買？

近期碎心於係網上找尋 Gocco Print and Cuttlebug嘅資料，究竟佢哋係咩唻？

Gocco Print

http://www.savegocco.com/what-is-gocco/

有一日唔知上網搵開啲咩，去咗 mrs cocoa bean個blog，從幾篇關於自製 invitation card嘅blog中，發現咗一部好好玩嘅玩意 -- Gocco Print

http://hk.myblog.yahoo.com/wedding_blogger/article?mid=18775

實在太美妙嘞！好喜愛哩種感覺！好似用咁印章加泥印製造出唻咁！由細到大都好鍾意自己整哩樣整嗰樣 (不過好多時都三分鐘熱度)，今次見到 Gocco Print，好想擁有佢呀 .. .. .. 只可惜 .. .. ..

香港冇得賣，而日本製造商因為銷量下跌 (因為家用打印機嘅普及)，而停產了！

幸好係 ebuy 仲可以搵到佢嘅踪影，不過價錢就 .. .. .. 由日本本土零售價 7000 yen 到而家 US$150 至 US$300 .. .. ..

我仲唸僅買唔買好！

好驚買咗返唻唔玩 .. .. .. 不過有朋友話既然咁渴市，買咗返唻玩完再放都唔會太蝕 .. .. .. heehee！魔鬼唻嫁！

而家只係等僅 paypal confirm 張信用卡，攪掂後就可以買了！攪唔掂就冇得買！

Cuttlebug

係一部可以 cut die and emboss嘅機器，都係喺mrs cocoa bean個blog度見到，哩部機未停產，不過只可以喺美國 or 加拿大搵到，價錢冇Gocco Print咁貴，平均US$50，但係運費都可能要US$50 .. .. ..

http://hk.myblog.yahoo.com/wedding_blogger/article?mid=8136

又買唔買好呢？