整裝待發

雖然唔係第一次自己去旅行

雖然都試過全女班

但係今次可以叫做第一次 .. .. .. 孭背囊去旅行

四條女，返大陸！

唔係返深圳揼！

唔係去啲咩野生動物園！

今次要去嘅係 .. .. .. 客家土樓 – 世界遺產，三日兩夜大作戰！

由香港出發，搭個多鐘頭飛機到廈門，然後再坐二三四個鐘車去目的地！

土樓群最主要分永定同南靖兩個區域 .. .. .. 今次好似去 “南靖” .. .. .. 我唸！

因為我冇參與過編制行程嘅工作，自己亦冇做過資料搜集，今次純粹帶個軀殼去，方便比人擋晒我啲五臟六府去賣！

如果過幾日都冇我消息，記得幫手報公安呀！

小插曲之 -- 曇花一現

好不容易先搵返張保用證，唸住出發前可以配返條錶帶，咁就唔駛帶住隻鋼錶通山走，誰之 .. .. .. 轉頭我又唔知擺咗佢去邊 .. .. .. 唉！

一個星期後，“佢”又無端端出現返 .. .. .. 唉！

 

其實我已經買咗新錶 .. .. .. 唉！