幫襯咗 felissimo 咁多年，以往都係幫朋友訂小童衫，今次終於輪到自己個寶寶了！
新年前落咗個一家四口 order
點解三口子會變四口子呀 .. .. .. ？.. .. .. 因為細路大得快，訂一件哈衣及一件小童，可以著多幾年嘛！ .. .. .. 而且 .. .. .. 可以的話想小虎妹可以多個妹妹 / 弟弟陪伴長大，有一個開心快活嘅童年！就算到時打交打餐死，都係一件樂事！
最開心嘅就係番咗我最愛嘅紫藍色啊！但係失敗嘅，就係訂咗 M size 比自己，我唸就算生完 bb 肥咗都唔駛著 M size .. .. ..
而另一 set，就係每個季尾都會出嘅 happy bag！唔知會比咩你，總之就係 for 女仔，有 2 / 3 items！割引 傾銷！
happy bag 只需 3200 yen，平時逐件 order，最平都要 1900 yen 啊！
比淘寶平咩？又唔係！ made in japan 咩？又唔係！
淘寶第二擊 .. .. ..
問你哋怕未！
小虎妹而家總共有 1‧2‧3‧‧‧‧16條口水肩啊！﹝仲未計經 zozo訂 / 表姐由日本帶唻嘅 "My first Hysteric" and 蕙蕙表姐送嘅 bape ape bibs﹞
小虎妹要多謝蕙蕙表姐
今日嘅下午茶有著落嘞！(表姐！你啲曲奇好甜呀！我飲咗好多水)
Cookies呀！蛋糕呀！中西式甜品都係我最愛！有時會自家製，不過近期太懶了，都有成年冇整過曲奇 / puff，唯有出街食啦！
有次上完護協，認承咗帶小虎妹去食燉蛋！yummy！
上星期獨自逛完新城市，返屋企前試吓買唔買到pudding，今次終於有貨嘞！
食過市面上好多pudding，都係哩個最有水準！多謝阿強好耐之前嘅介紹！不過講到全宇宙最好味嘅pudding，非日本藏王雪山嘅pudding！
好想去日本呀！上次去已經係兩年幾前 .. .. .. wuuwuuuu！
咩叫一本雜誌又有嘢睇，又有嘢送，都只係賣 $40！
今朝買早餐時走咗過報檔 .. .. .. 發現買 COMOS 送 Tsumori Chisato 嘅 Passport holder and luggage tag，唔理買完之後荷包變 $0，都二話不說 .. .. .. 買！
新到連老板娘都唔知返咗，佢仲問咁靚嘅，咩唻架！指住個 luggage tag 話個電話袋好靚呀 
返到公司，第一時間 send 比同事 and 朋友睇！真係有買就快呀！
小虎妹足咗廿四週了，即大家口中嘅“六個月”！
只要再過多四週，就算有咩事，小虎妹都可以獨立出唻同大家見面，而做準媽媽嘅我，都可以鬆一口氣！
一切嘅快樂，都係小虎妹你賜予比我，真係好想快啲見到你！就算你而家幾咁頑皮攪攪陣都好，mama都係快樂架！
不過到你出唻嘅時候，我就忙個不停咁幫你換片片、餵momo，仲要同你洗臭臭呀 .. .. .. ！
Katrina – 你鍾意 mama 幫你改嘅英文名呢？
Katrina 喺希臘文係代表純潔！希望係將來長大咗，可以快快樂樂，健健康康！最緊要學識保護自己，但係又唔好好似 mama 咁，看似剛強但係水皮到死 .. .. .. 一個大喊包，hoohoohooo！
今日天氣好好，真係想放半晝假同小虎妹去晒吓太陽啊！
尋晚喺聯合買嘅！靚靚！
第一次喺淘寶買衫仔比小虎妹，除咗低衫系列外，經艾菲媽媽介紹嘅 carter 系列，啲口水肩真係好靚呀！
因為第一次訂購 bb 用品，自己都唔敢太瘋癲(其實已經好癲嘞)，瘋狂咁 bookmark 咗好多嘢，之後再冷靜咁篩選，最後都用咗大約二百蚊(連人仔匯率及運費) ，訂購咗 .. .. ..
哩個固定枕，就係上次自己訂牛仔褲時 order返唻！睇唻小虎妹唔啱用，都可以比大舊衰用，wakaakaaaaaa！
媽媽個肚大咗，個人行得慢咗(少少)，條腰痛咗，懶咗 .. .. ..
小虎妹一日一日長大，開始覺得有啲嘢做起上唻比以往困難，例如：洗碗啦(個肚頂住)、著波鞋啦 .. .. ..
小虎妹今日23wk3d大了
連往常嘅褲都已經唔啱著了！唯有上淘寶淘咗條 NT$78 嘅牛仔褲
款式唔錯，但質地一般！條褲返到唻搵滴露浸咗一晚，洗咗兩次先著上身。但總比喺香港買條冇款又貴嘅媽媽褲著！
但小虎妹仍然有一個低能媽媽！
小插曲
小虎妹已經開始長大了，開始由小腹踢到上心口，間唔中幾個 side click 或者衝擊波 .. .. ..
而佢仲開始令到我腰骨痛，夜晚仲唔可以平臥瞓，但一打側，佢又會踢我，話我壓到佢 .. .. ..
尋晚失眠，佢襯我未瞓又玩又轉，到三點幾，唔知係咪肚餓，半夜叮咗包腸粉食，睇埋鬼太朗成四點先瞓！唉 .. .. .. ！
近排四出到訪各大公司﹝其實都係去咗吉豬島、十田、反斗王及護協等﹞嘅BB展，試探吓軍情同採購咗小部份日常用品﹝大家請放心，服裝採購暫時停止運作，待冷靜完畢後將再戰江湖﹞！
戰車戰船及總基地都仍在洽商中，當中以總基地嘅選購最為煩惱﹝其實係我麻煩﹞！
總基地
市面上有好幾個牌子﹝包括C-MAX、0/3 BABY、AIDA、LA BABY等等﹞，每個牌子又有好幾個型號！其實我都只係想買張冇公仔﹝我唔要LONELY TOON，更加唔要有PRINT喺張床處﹞，有三段高度調較，全白色嘅 .. .. .. 看似好簡單 .. .. .. 但有太多選擇嘞！當有一張睇得上眼嘅，線條優美，結實嘅 .. .. .. 原來係意大利牌子，要成三千蚊 .. .. .. 一張床仔啫，駛唔駛呀！睇睇吓又唸，有冇需要搵啲包埋原裝圍欄嘅，等小虎妹大個嘅時間，可以變番一張普通床仔呢？但又唸吓，可能到佢一歲嘅時間，要黏住我同大人瞓呢？選擇恐懼症又出現嘞！曾經有唸過喺TAOBAO網買BB床﹝其實已經上網睇中咗架嘞！GARCO嘅品牌，連埋運費都係千一蚊有找﹞，但最後比人否決咗！
戰車同戰船，只係喺兩個牌子當中選擇：COMBI VS APRICA
戰車
起初COMBI，之後因為靚靚波點嘅關係，就投向咗APRICA嘅懷抱，到近期因COMBI出咗新款，雖然車身較APRICA重，但啲鋼水好似較強，行車時較穩陣，同內籠較大，所以都應該COMBI勝出！
APRICA - 波點
COMBI 
COMBI - DX
戰船
戰船其實只係一張 high-chair﹝小虎妹大個用唻食糊仔食飯仔用﹞，只不過比普通high-chair多咗一個 function，就係搖籃！小虎妹new born嘅時候，就瞓喺high-chair午睡，櫈底有轆，方便靜雞雞將佢推唻推去，而且仲有搖籃功能，唔肯瞓就一於搖到你暈！
起初都係睇中COMBI，之後因為APRICA有埋太陽擋及蚊紗，而且除咗可以前後搖之外仲可以SWING，但近期就再同COMBI比較，發覺COMBI個腳踏可以郁動，喺平瞓狀態時摺起，形成一個兜，看上去就唔怕活潑好動嘅小虎妹碌咗落街 .. .. ..
APRICA 
COMBI
都話我有選擇困難症啦！
而家十田大減價，部份貨品接近八折，由於上護協買COMBI嘅產品，都只係得個九折﹝但APRICA可以平成千蚊架﹞，所以要盡快決定買COMBI OR APRICA。但另一個難題，就係存放。問過十田，只存倉一個月，而反斗王，只存倉兩星期 .. .. .. 生活喺五平方尺嘅地方，又點樣安置佔十平方尺嘅物品呢？唯一嘅辦法 .. .. .. 擺返公司！公司都仲有好大個枱底可以暫作存放之用 .. .. ..
去QE上完產前課程，就落咗黃埔吉豬島！
雖然並無上次買得咁瘋狂(數量)
但卻花費了差唔多嘅金額 .. .. .. 全因為 .. .. ..
買咗件花花夾衣比小虎妹！以為有九折，點知到比錢時先發覺 – 無折！
算啦！鬼叫我鍾意啲碎花咩！一於當去街衫，又或者留番滿月著靚靚出街！
星期日順路去埋東涌，朋友話outlet啲chickenduck嘅包被，質地好，比出面平(百多元有一條)，所以就入去睇吓 .. .. .. 點知 .. .. ..
不過張包被就去咗kingcow處買 .. .. .. 承為 $280 .. .. .. 好貴呀！不過哩款包被有啲厚度，凍啲嘅時候可以當被仔用，就當婆婆買比小虎妹，由細用到大啦！
完來準婆婆要為孫仔孫女準備1)包被; 2)一件新衫; 3)背帶作禮物，滿月嘅時候要用架！
為咗小虎妹能擁有靚靚嘅皮膚及濃密嘅秀髮，要開始食“芝麻糊 / 糖水”嘞！
不過如果叫我日日買一碗坊間糖水鋪嘅芝麻糊，我唸小虎妹未出世，我已經變咗大肥婆 and 糖尿精嘞！
唯有食“無添加自家制 - 芝麻糖水”！
係姊夫嘅愛心出品，其他家姐大肚嘅時候，姊夫都一定整比佢哋食，我細細個已經渴望有哩一日 .. .. .. 終於輪到我嘞！
食嘅時候只需煮滾及加少少糖調味，質感一啲都唔杰，飲咗都唔會飽死。
爽呀！
朋友話過咗20週就可以開始食，不過我體質偏弱，到22週先開始嘗試，我而家都要留意身體有冇啲唔舒服嘅感覺，就好似 .. .. ..
喺16週後食嘅鮮奶燉雞就受不了！食完之後見頭暈及頭痛，只係一包鮮奶加一隻雞脾 .. .. .. 唉 .. .. .. 咁就要停食此人間美食了！
好耐都冇煮飯仔嘞！尋晚一入廚房，煮煮吓就發覺 .. .. .. 小虎妹頂住我呀！
自家制蒸水蛋！十分滑！毫無月球表面嘅跡象！十分好食！
今晚要開始獨居嘅生活，希望事事順利啦﹝冇小強、冇怪獸、冇意外、冇壞人﹞！
哩幾個月，無論心理及生理都有好大嘅改變！
個肚 .. .. .. 變得大咗！
條腰(僅餘嘅) .. .. .. 變得直咗！
肚臍窿 .. .. .. 變得淺咗！
皮膚 .. .. .. 變得好咗！
個人 .. .. .. 笨重咗！
記性 .. .. .. 也變得差咗！
胃口 .. .. .. 變得飄忽咗！
個膽 .. .. .. 變得細咗！
身手的確冇以前咁敏捷！上星期繼由梳化處跌咗落唻﹝幸好落地時仍處於站立嘅狀態，只係右手手肘碰出瘀痕﹞，之後一日，開門時因力度不足，喺一個冇足夠穿越嘅闊度吓，將小虎妹撞咗埋門身 .. .. .. 頓時好似玩碰碰車咁，反彈了一吓，幸好衝力唔算太強，小虎妹之後都繼續郁郁踢踢，只不過好似暈暈哋咁，反應緩慢，我先安心一點！
開始覺得，我真係唔係好懂得照顧自己，比以前變得更懦弱 .. .. .. 係脾氣好咗 or .. .. .. 可能係 “謝” 咗？！
哩幾日心情都仲 down down 哋！縱使仍然有同朋友出街，縱使有去迪士尼，縱使繼續 shopping .. .. .. 但個人總係冇乜 mood 咁 .. .. .. 總係提唔起勁 .. .. ...
國寶大人星期三又要飛了，今次決定唔返媽媽處瞓，同小虎妹一齊留喺屋企食自己！
