DOWN DOWN DOWN ~~~

兩個人嘅事，頓時好似要一個人去面對 .. .. .. 我究竟有冇本事呢？

期待咗好耐嘅 "SEX - 2" 上影嘞，但好似冇人有興趣去睇 .. .. .. 記得 " SEX - 1" 喺又一城睇嘅時候氣氛好好，成個場有大半都係鬼佬，睇完個個都拍手叫好 ﹝可能大部份都係 die-hard fans﹞ .. .. ..  唔通我要自己一個入戲院睇 or 租碟睇？

頓時世界好似得返我一個同小虎妹 .. .. .. 好孤單啊！

食‧食‧食之奶粉篇 <2>

又收到寄件嘞！今次係 美贊臣 A+

同美國雅培    

開始對住啲奶粉發呆了 .. .. ..

仲有雪印思敏兒未收到回覆，如果真係再送奶粉唻 .. .. .. 埋唻睇埋唻揀十蚊罐買一送一 .. .. ..

惠氏 MAMA 會尋日有姑娘打唻，問候吓我之餘仲推廣吓佢公司嘅奶粉，我唸如果當時我同佢講未有佢哋公司嘅奶粉做儲備，佢會再送比我囉 .. .. .. 多晒！最後佢只 sell 我用優惠價買一送一 .. .. ..

點解日本雪印喺香港冇 MAMA 會架 .. .. ..

 

買‧買‧買之戰車送貨篇

終於喺小虎妹出世前，等到架戰車送貨嘞！

 

講開送貨，差啲又同吉豬島開片！約咗星期日送貨，雖然詳細時間要等運輸早一日通知，但之前已經叫吉豬島幫我落個 remark，話1:00前要送貨﹝因要2:45前到會展expo﹞，點知運輸打到唻，話約我3:00 – 5:00 .. .. .. 即係冇理過個 remark啦 .. .. .. 仲唔發炮！經過一輪周旋，最終佢哋都係預約時間內到達﹝唔似上次收貨，2:30 打唻話3:00到，最終要3:30先唻﹞.

收咗貨都未有時間試就要出門口，夜晚返到屋企，就算好倦，都拿拿臨試車！

即刻放埋御用model上戰車，再擺埋新賣嘅玩具先！

 

哩架就係相傳嘅四驅雙向大轆車！大轆加egg-shock，帶佢出街行地盤都可以繼續甜睡！雙向可以睇住佢，方便照顧！而四驅360度轉動，就方便轉變雙向時，戰車嘅靈活度！同aprica相比，aprica嘅四驅雙向，係要靠人手lock and un-lock 尾轆，而combi喺機件上做到自動鎖死功能！雖然車身比 aprica 同 grade 嘅重，但手感一流啊！﹝有啲想加個手brake，當車咁入彎！﹞

 

要買要預備嘅bb用品都八九十了﹝所以開始睇玩具及其他唔重要嘅配件﹞！除咗仲要去睇吓家品外，都開始有個等生嘅心態了！

仲有三星期就放產假，希望小虎妹乖乖哋，等產假開始咗先出世啦！