終於喺小虎妹出世前，等到架戰車送貨嘞！
講開送貨，差啲又同吉豬島開片！約咗星期日送貨，雖然詳細時間要等運輸早一日通知，但之前已經叫吉豬島幫我落個 remark，話1:00前要送貨﹝因要2:45前到會展expo﹞，點知運輸打到唻，話約我3:00 – 5:00 .. .. .. 即係冇理過個 remark啦 .. .. .. 仲唔發炮！經過一輪周旋，最終佢哋都係預約時間內到達﹝唔似上次收貨，2:30 打唻話3:00到，最終要3:30先唻﹞.
收咗貨都未有時間試就要出門口，夜晚返到屋企，就算好倦，都拿拿臨試車！
即刻放埋御用model上戰車，再擺埋新賣嘅玩具先！
哩架就係相傳嘅四驅雙向大轆車！大轆加egg-shock，帶佢出街行地盤都可以繼續甜睡！雙向可以睇住佢，方便照顧！而四驅360度轉動，就方便轉變雙向時，戰車嘅靈活度！同aprica相比，aprica嘅四驅雙向，係要靠人手lock and un-lock 尾轆，而combi喺機件上做到自動鎖死功能！雖然車身比 aprica 同 grade 嘅重，但手感一流啊！﹝有啲想加個手brake，當車咁入彎！﹞
要買要預備嘅bb用品都八九十了﹝所以開始睇玩具及其他唔重要嘅配件﹞！除咗仲要去睇吓家品外，都開始有個等生嘅心態了！
仲有三星期就放產假，希望小虎妹乖乖哋，等產假開始咗先出世啦！
哈哈~終於收貸, 唔駛再担心啦~~
回覆刪除我都買咗combi, 不過老公係日本抬返來...yesterday high chair都送埋..不過搞到屋企好逼....
[版主回覆06/02/2010 18:57:00]日本嗰邊啲 model 好似唔同香港架喎，咁咪唔怕認錯車囉！成架車抬番唻，咁有冇拆盒呀？or 將啲戰利品用車仔運番香港呢？日本係一個邪惡嘅地方，好懷念啊！
好靚呀!!架車幾許$??
回覆刪除[版主回覆06/04/2010 09:51:00]原價$3880，三月喺吉豬島bb展處買，做discount 再加即日申請J card (有雙九五折)，另外滿$3000再減$200，折實約 $2950. 不過聽聞哩款車，紫色全線斷貨(不接受訂購)，市面可能仲有綠色，不過一田減價前，我已經唔見再有 DISPLAY 哩架車 (新款 - 可能存貨唔多). 聽朋友講，好似combi廠房罷工，攪到有啲貨品要七月先返貨 (如 HIGH CHAIR).
架車車好靚喎, 易唔易收架?
回覆刪除[版主回覆06/17/2010 00:24:00]都算容易收納, 不過大 轆車有一定重量, 要揸車出入 或 有工人幫手先 ok.