自從過咗 1st trimester 之後，體力回復，精神回復，而 shopping 慾也回來了！
除咗要幫自己選購吓新衣渡歲，今年仲要辦年貨、準備零錢封壓歲錢等等，而且更加要去行吓啲嬰兒用品，做好準備！
今日就襯剪完頭髮，過咗 logon 行咗個圈，終於比我等到佢減價了
由以往嘅 $20 一小瓶，而家只賣 $16 .. .. .. 由於一個人嘅力量有限，只好買小量，頂住先。﹝自從有咗小虎妹後，飲蘋果汁及凍檸茶先至令到我舒服一點﹞
之後就去咗火炭掃貨 .. .. .. casablanca 開倉呀！
原價 $8xx，平時一田賣 $5xx，今日開倉只賣 $390﹝如果我有剪低報紙嘅 coupon，仲可以減多 $30 .. .. .. ﹞
雖然小虎妹係女仔，但係有粉紅恐懼症嘅我，決定 .. .. .. 買藍色﹝希望小虎妹大個嘅時候唔好怪我啦！﹞
暫時只買咗 2 sets，一般都應該夠用﹝加多 1 set床單就應該夠﹞，不過小虎妹可能要喺婆婆處生活，可能要貫多 1 set，不過遲啲先算啦！
如果買芝士怪 (原來人哋叫海棉寶寶)嘅話，一套都只係 $319，仲平啲架！開倉開到星期三咋，大家有買就襯手！
有無地址提供??
回覆刪除[版主回覆02/01/2010 12:19:00]沙田火炭黃竹洋街9-13號仁興中心 5樓
時間: 10:00 ~ 19:30 (mon-sat)
電話: 2306 1699 (我唸可以打去問吓仲有冇 baby gift set, 有 classic pooh and 海棉寶寶)
過 $600 可用 visa, 現金付款可即享 2% 回贈.
除咗有嬰兒床上用品 gift set, 連大人嘅 product 都有, 間唔中仲會返貨上架, 一啲都唔係賣淨庶架.
原本尋日 last day, 而加開多三日, 星期三 last day 呀!
尋日人流都唔算太多, 我都冇迫親!
THANKS,
回覆刪除係咪得classic pooh and 海棉寶寶呢2款公仔?????
[版主回覆02/01/2010 15:19:00]係呀!
casablanc 都好似淨係出哩兩款.
hello kitty or 車仔嗰啲好似係雅芳婷等等公司.
好呀...唔該你...
回覆刪除睇下有無時間去睇...因為真係平好多~
係呀! 佢個名不嬲都係叫做"海棉寶寶"o家! 佢係美國好"紅"o家~
回覆刪除[版主回覆02/02/2010 23:34:00]我仲不斷叫佢 "芝士怪" .. .. .. 唉!