Hello！ 大家好！

各位 auntie uncle！我將會喺年中出唻，同大家見面架嘞！

唔好咁心急啦！我自己都未識分自己係男仔 / 女仔，Dr. 話要過多幾個星期 (一月尾)先教我點分辨呀！

10月31日(第四週) -- 媽媽在出發往土樓之前幫自己做咗個測試，確實咗我嘅存在。不過媽媽仍然跟 aunties 們玩跳過水溪、攀山等高難道動作！

11月18日(第七週) -- 媽媽去咗搵 Dr. Wong 作檢查，佢哋見到我個心肝仔噗通噗通咁跳，仲話我已經通過咗第二個測驗！

12月29日(第十三週) -- 媽媽今次去咗搵 Dr. Cheung 做 Oscar，Dr. 除咗要攞媽媽啲血液去檢查吓我有唐士嘅機會率，仲要經超聲波量度頸皮厚度。嗰日我好頑皮咁同媽媽 and Dr. 玩咗好耐，我不停跳不停游，仲表演咗高難道動作『倒樹沖』，玩咗半個鐘我開始有啲攰，Dr. 就襯我瞓覺 b 嘅時候幫我度頸皮。最後驗血同量度嘅結果係屬於低風險！

啲 auntie and uncle 都讚媽媽勤力，但媽媽話佢都冇勤力過，只係話每個女仔，都做咗咁耐人囉，唔多唔少都了解自己身體嘅機能同時間分佈，媽媽只係喺適當嘅時間做適當嘅嘢啫！要不然已經製造咗千千萬萬嘅我，又或者千千萬萬個悲劇了！

媽媽仲話要追趕返失去嘅時間！

不過媽媽近排嘅身體都唔多好，前兩日仲不停打噴嚏同咳嗽，攪到我成日都冇得瞓，結果都係要去搵醫生叔叔！

唉！我唔鍾意食藥呀！