我歲半嘞 ~~~

越唻越懶, 好耐冇寫 blog 了. 襯瞳瞳歲半大, 寫番幾隻字先 ~~~
一日比一日長大, 認知多咗, 醒咗, 亦都曳咗同要求多咗!
而家可以講到嘅單字有: "浦浦" = apple, 橙橙, 餅餅, 包包, 水水, 抱抱, 爸爸, 媽媽, 姐姐, 婆婆, 公公, 爺爺, "cucu" = 姑姑, 丈丈, bear bear, book, boat, ball, cat, cup, duck, horse, key, "dada" = panda, tree, shark, pig pig, gogogo, 到, "褸褸" = 外套, 鞋鞋, socks, "白白" = 公仔名, "黑黑" = 公仔名, close, 開 etc [ 全部都係單字 ]
對答: 好唔好呀 --> 好; 曳唔曳呀 -- > 曳, 食唔食呀 -- > 食, 頑唔頑皮呀 -- > 皮皮
動物: 見到某啲動物 或 者我哋問佢, 佢會扮動物叫 或 做動作; dog, cat, lion, tiger, duck -- > 會扮叫; rabbit, pig, mouse -- > 會嗡鼻; 魚, 蟹, monkey 類 --> 會做動作 ......
認得而知道名稱嘅有: ice cream (瞳瞳最愛), grape, watermelo 之類 [大部份都係經對對卡同日常生活學返唻]
寫住咁多先

暴走 baby ~~~

終於有機會帶瞳瞳去睇下花草樹木同親親狗仔嘞！

初初都有啲怕佢會驚，但當入到公園，見到大大小小嘅狗仔時，瞳瞳好開心好興奮！雖然都有比狗吠，但都冇損佢同狗仔玩嘅興致！

佢同哩隻叫 milky 嘅狗仔玩咗好耐 (其實係瞳瞳揸住 milky 個波波唔放，雖然係咁，milky 都冇去搶番個波波返唻)，其間 milky 都有出手去抓個波波，不過我都放膽去比瞳瞳試下同動物相處，所以喺安全嘅環境下都冇加以阻止. 我見到有一兩下都應該有啲痛 (從觀察瞳瞳嘅面部表情得之)，但佢都冇喊，叻叻豬！[哩方面可能似我，我細個家中亦曾經養過狗，我記得我試過爬上狗仔身上，當馬咁騎，當然比佢 "撻" 番我落唻啦]

同狗狗玩完後，就繼續喺公園裡面自己暴走 .... 我要久唔久同佢講聲 "bye bye"，佢先識返轉頭！

我要學做好媽媽 ~~~

瞳瞳開始大個嘞, 亦都開始有自己嘅思想同脾氣, 睇唻我哩個媽媽唔可以再限於同佢扮靚靚, 又或者喺床到一齊癲癲哋咁玩碌碌碌 .......

近日瞳瞳出現嘅問題, 我都仲未搵到方法解決. 雖然好多朋友都話哩啲都係每個小朋友必經嘅階段, 唔需要比太大嘅壓力自己, 但我害怕萬一處理不當, 後果可能十分嚴重, 有見及此, 唯有將勤補拙 ...... 除咗嘗試閱讀一啲短文去分享小朋友嘅行為外, 我仲乘機了解多一啲關於玩具同讀書方面嘅資訊. 另一方面, 喺瞳瞳面前揸書睇, 總好過玩 iphone, 睇雜誌同睇電視.

Naught fifteen ~~~

一向乖巧聽話貪吃嘅瞳瞳, 大約由九月初開始久唔久就玩絕食. 拒絕一切固體食物, 包括以往喜歡食嘅粥飯abc粉通粉同意粉 ..... 最嚴重嘅時候, 一啖都唔食 (係一日兩餐都唔食, 餓佢咩, 佢又冇咩所謂), 食咗又會吐番出唻 ..... 最後連麵包都唔要 ...... 好彩仲有米糊 ...... 咁先未至於飲足五餐奶 ......

瞳瞳絕食期間, 其實我都受咗好多壓力 ..... 一方面擔心, 另一方面四出尋求食譜, 嘗試唔同質感味道嘅固體食物 ..... 但全軍覆沒 ....... 再加上 屋企人唔同嘅聲音 ..... 婆婆就話你一粒鹽都唔落, 冇唻味道, 鬼有人食咩 ...... 瞳爸轉頭就話 個女都食唔慣有味嘢 ....... 不如你比番白飯佢啦 ..... 又或者試下哩樣個樣 ...... 而久唔久又打唻問瞳瞳食番嘢未呀 ......  我打番去問姐姐, 姐姐又問我點算 .......

 好好味嘅三文魚意粉

我真係投晒行 .......

比咗米糊兩日, 姐姐又走去試番粥 ..... 之後又唔食 ...... 每日返到娘家, 又比婆婆問 ....... 返到公司 ...... 又比爸爸打唻問 ........

好彩到咗九月尾, 總算肯開口 ..... 但每次都要氹好耐先肯食第一啖 ..... 又得意喎, 試咗一啖之後就劈大個口叫你餵 ......

但有時食咗半碗, 就會開始玩 ...... 食完又吐 ..... 最近仲 bu .....

暫時叫做解法咗用餐嘅問題 .... 接住就係 "打人" ~~~

一向係瞳瞳面前, 我哋都避免用 "打" 字去講任何嘢 ..... 會用 "拍拍" 手 或係 "摸摸" 之類去教佢 或者 轉移視線. 老人家都試過 話 "打打" 曳曳 嘅說話, 但一一都被我哋禁止.

但惡夢仍然到來 ..... 試過無聊行過打姐姐 ...... 亦試過發脾氣走去打人 ...... 有時當我哋用眼睛視意 "唔可以" 嘅時候 .... 瞳瞳都會即刻走返過唻 呵返我哋 ...... 但有時亦會繼續發惡 .......

同佢講, 佢又好似明 ..... 但可能都仲係細個, 哩頭講嗰頭唔記得, 再唻過 .......

頭都大了~~~ 唔想佢培養一個 出手打人 嘅習慣啊 ~~~

 

宇宙要大爆炸嘞 ~~~~~

你究竟要磨滅我嘅意志到咩地步先安樂 .....

你要 TRAIN 我嘅 EQ 去到咩程度先足夠 .....

有理過我感受咩？

有珍惜過我咩？

每一件事都係小事 ..... 咁要咩要可以 CLASSIFY AS 大件事 OR 值得你去 CONCERN 嘅事 ......

宇宙要大爆炸嘞 ~~~~~

哩兩年唻我都好努力去 TRAIN UP 自己 ....... 我好努力 ..... 但你呢 .........

我好想放棄 ...... 但我再冇能力了 ~~~~

14 個月嘅 小 bb

14 個月嘅瞳瞳, 已經唔再係小 bb 了. 擁有獨立嘅思維, 有自己嘅脾氣, 相信mama就唻整蠱唔到你嘞 ~~

自從半歲開始去 playgroup 上堂 (喺未有小朋友時, 我都十分反對咁早比小 bb 去上堂, 但不可不信, 日子真係可以有功架) 由啱啱上堂要黐住mama嘅爆喊bb, 到今時今日一有得玩就逃走嘅 bb, 哩幾個月真係進步咗好多.

每日重覆咁去教導小bb應有嘅禮貌, 如 bye bye, kiss bye 等都好快掌握到 (有工人姐姐嘅幫助), 近日努力咗一個月, 每晚 night night 前我都企喺身對住瞳瞳彎腰行禮, 近哩個星期, 終於都學識嘞. 唔單止 night night 要行禮, 就連 “你好” 都要行個禮. 下一步就係要佢對陌生人都有此行徑. 不過點頭技巧仍未熟練, 所以暫時都係教佢彎腰行禮先啦.

 

七月中, 發生咗一件大事件簿 …… 教咗瞳瞳 “錫錫” 哩個動作好耐, 佢都係久唔久先肯做 ~~~~ 七月中嘅一個晚上, 我坐咗係地下睇僅電視, 瞳瞳喺身邊僅下 ~~~~ 佢突然間撲咗埋唻 ~~~ 用個口仔 “及” 咗落唻我塊面 ….. 此刻心唸 ~~~ 你唔好咬我呀 ~~~~~ 但當定過神後就發覺 …… 原來瞳瞳 錫咗我一啖 ……. Hoohoohooooo ~~~~

 

無聊 mama 習作簿

 

我要做 b 模 <2>

三月喺 playgroup 學校攞咗張 coupon, 要親身上去 studio 預約時間. 仲要 book 大約兩個月先有 time slot 影相 (由於張 coupon 係 free of charge, 所以只可喺 weekday 嘅 1700 影相)

等咗兩個月, 影完輯相, 結果要等多三個月先去睇 & 揀 (其實影完隔幾日就可以去揀相, 但嗰排開始忙於新居裝修, 搬屋, 瞳瞳生日會 同 病病, 攪下等下, 五月影 八月睇)

影相嗰日, 加咗 $500, 聲稱可以影晒 studio 內嘅新佈景, 包括森林家族 + 揀多 10張 softcopy + 一個八吋成八吋嘅相架, 但結果 ..... 新景冇影過 ...... 而最後揀相, 25個 softcopy, 只揀得 4 張實景 ..... 點解揀得咁少 ..... 因為影得唔好 (構圖同攝影技巧) ...... 穿崩 (影埋隔離嘅佈景)

所以最後有 21張相, 我都係揀咗 冇佈景.

最愛嘅八張相 [大家估下我用咗邊一張去做 8 吋 x 8 吋 嘅相架]

中間嗰張, 都唔知點解上面有好多留白嘅位置, 攪到冇咗半隻腳 [排版時發覺冇咗半隻腳, 好大獲]

我會自己攞出去整大相架,  blog 友們, 有冇地方介紹呀?

 

 

小 bb 長大了

哩幾日睇番小bb早幾個月嘅照片，發覺佢 “真的長大了”！(其實只是一點點而已，將來有更多嘅成長路 ~~ 漫長啊！)  

 

再唔係當初嘅一舊飯了

 

由小到大，幻想有一日可當媽媽 (我相信係每個細路女都曾幻想過)，生最少兩個小朋友 (一個太孤單了，雖然我家家族龐大，但由於同哥哥家姐嘅年齡相距甚遠，兒時嘅玩伴，就只有 左手同右手 – 千萬別心歪啊! 唔係哥哥嘅左右手)

生兩個小朋友亦都有另一個好處 ~~~ 他朝有一日父母不在嘅時候，兩姊弟 / 妹，都可以有商有量，互相扶持！

但近日已經唔敢再有咁嘅唸法了！

要培養一個小孩，喺現今社會，一啲都唔輕易！

怕佢會變小學雞！

怕佢會有公主病！

怕佢會攞自己同其他小朋友比較！

其實只要喺自己能力範圍內比到最足夠嘅比小bb，已經可以了 ...... 但可謂足夠？

傳統嘅名校 ...... 冇唸過

入住全港最靚嘅校網區 ...... 冇唸過 (因為冇本事亦唔想強求)

希望將一切簡單啲去唸，目標係搵一間比小bb讀得開心嘅幼稚園 ...... 但睇下睇下 ...... 發覺並唔可以唸得太簡單 ...... 應該要唸遠少少 ...... 至少要唸小bb 讀邊類型嘅小學呢 ......

一唸到小學 ...... 了解咗何謂大抽獎時 ...... 就大獲了 ......

官立、津貼 ...... 自行收生得十五分

直資、私立 ...... $$$$

要生多個，除咗要考慮資源嘅問題，心理因數都好重要 ......

有了瞳瞳 ...... 就應該夠了 ......

拉票 -- 第三屆 Canon x 聖基道 全港精靈 BB 選舉大賽

瞳瞳 參加咗 第三屆 Canon x 聖墓道 全港精靈 BB 選舉大賽, 6月14日就係投票嘅 DEADLINE, 請大家 幫幫手, 投 瞳瞳一票啦!

http://bbphoto.skhsch.org.hk/vote_form.php?RegistrationBabyPhotoID=1589

我的寶貝

瞳瞳，mama 本想每個月寫一篇成長記錄，好讓我記多一點，可惜 mama 太懶了 .. .. ..

就藉著 "今日" ，mama 就為你寫一篇！

九個半月嘅瞳瞳早兩日已經成功咁用手腳爬行，只係仲有少少協調問題，左手右腳右手左腳 .. .. .. 仲差一點點！當你知道可以隨處爬行時 (mama准許離開 playmat 範圍，出外走走)，今日你好唔客氣咁爬出咗你嘅 "zone" 好幾次！

早兩日工人姐姐發現你已經成功自己扶住地下企直站立，雖然只係數秒，但比起之前你需要扶住梳化等物企起身，已經進步咗好多嘞！

第一個有意識而又肯講嘅稱謂，竟然係 "duck" "duck"！雖然你曾經舉高雙手嚷著要我抱時叫過 "mamamama"，亦試過 喺 playpan 玩玩下發覺視線範圍內冇人而叫 "嗲嗲嗲嗲" ( = 姐姐姐姐) ，但 "duck" "duck" 仍然係你嘅最愛！

初夏到嘞！你隻濕毛雞仲要冇時停 .. .. .. .

你知嘛！你好臭呀！

你知嘛！你是我的 唯一 啊！

你知嘛！你是我苦中的一點甜！

你知嘛！望住你，就算 mama 有幾唔開心，都有番一點安慰！

我要做 b 模

4 月 4 日 - 晴

襯住兒童節，休假一天，帶 頑瞳 去 studio 影 "寫真" (真係有露點架)！

頑瞳都尚算合作，只係尾段嗰兩個造型表現有啲唔耐煩，可能件戲服太焗啩！？

但全程卻苦了 mama 同 攝影師叔叔！mama 就要扮怪獸跳唻跳去，而攝影叔叔就長期睇住哩個傻婆又跳又叫嘈之巴閉 ........

睇完相之後見 over all 都 "OK"，所以加 $300 要晒啲 SOFTCOPY (約120張)，TOTAL $711 埋單！

大家仲記得瞳瞳條紗裙仔 and "Katrina" 衫衫嗎？終於有機會著嘞~~~

我家有個無用豬 ~~~ “爆”

星期日帶咗頑瞳去參加跨區BB gathering。

返咗八堂 playgroup，再加上頑瞳開始大個貪玩，已經肯自己坐喺 playmat 同其他 bb 一齊玩玩玩！(唔再一放低就喊)

但 ~ ~ ~

之後就 ~~~

我懷疑哩個 bb 同佢mama一樣，極度缺乏“安全感”，而且對外來嘅反應極快，其他 bb 只係開始扁嘴 or 繼續自己玩，反之哩隻無用豬就“爆喊”，真係“爆”住唻喊 .. .. .. 瞳瞳，你好嘈呀~~~

撲呀 ~~~ 日本奶粉

近日大家身邊嘅話題，除咗嗰 $6000點洗同日本地震幅射之外，仲有日本奶粉日本食品等等！

我唔知算好彩定唔好彩，每逢要打電話定飛呀？排隊買嘢呀？撲奶粉呀？永遠都冇我份！﹝例如大家一齊打電話，往往都係朋友接通，而我只係陪打般，我唸哩啲就係所謂嘅明燈﹞

今次撲奶粉，可能我撲得唔夠積極，只係每日重覆走訪公司同屋企附近嘅商鋪，結果我係撲到 "0" 罐！

好彩我身邊有一班好友﹝特別係因為瞳瞳而結識嘅一班 mama fd﹞，而瞳瞳又有兩個好錫佢嘅表姐 .. .. .. 結果 .. .. ..

初步計算過 [assume 佢仍然肯食一餐粥仔 + 唔追奶飲(而母乳就唔計住，當係一個安全數)]

瞳瞳一日有四餐飲奶粉，每次飲 200 ml﹝10殼奶粉 = 26g﹞

一罐奶粉有 900g

900g / 26g = 34.6 餐

34.6餐 / 4餐 = 8.65日

暫時有十一罐存貨 [有三罐係星期五買，有三罐係善泓mama行遍屋企附近搶購，有一罐係 sam哥哥係紅磡買返唻，有四罐係大細表姐喺TST SASA 入貨(SASA竟然係行貨)]

11罐 x 8.65日 = 95日

95 日大約飲到 6月中！

弊！未夠數飲到 1 歲轉奶粉 .. .. .. 好彩

細表姐再幫瞳瞳撲多兩罐，雖然係水貨，都唔緊要 (不過要用行貨價買水貨就 .. .. .. )

2 罐 x 8.65日 = 17日

TOTAL 有 112日，足夠瞳瞳飲到 1歲嘞！

到時再CONFIRM 轉邊隻本地 OR 澳洲奶粉！

好彩瞳瞳已經開始大個女，如果仲係 NB 就真係長貧難顧！

拉票拉票! 入圍瞳瞳會登出浴照 ~~~ 拉票拉票! 入圍瞳瞳會登出浴照 ~~~

Huggies BB四圍走 "LIKE" 下瞳瞳啦!

拉下票先 ~~ (如成功當選, 瞳瞳會以最新嘅出浴照唻多謝大家)
http://www.facebook.com/photo.php?fbid=178051505572625&set=a.177828125594963.44051.175747015803074&theater
仲有幾日咋, 快啲去 "LIKE" 咗 huggies 個 page http://www.facebook.com/HuggiesHK, 然後搵瞳瞳張相 http://www.facebook.com/photo.php?fbid=178051505572625&set=a.177828125594963.44051.175747015803074&theater "LIKE" 下佢啦!

元宵節之‧遲來的 "請請"

襯元宵佳節，同大家補番個 "請請" 先！

今年因為屋企有事，所以唔可以周圍去拜年，所以新年嗰四日假，有兩日係屋企做大懶 chu ...... ..... zzzZZzzz

瞳瞳一如以往，去到陌生嘅地方都係 .. .. .. 喊 .. .. ..

喺婆婆處，成晚都哩埋喺房，攪到啲表姐表哥迫埋一齊同你玩！

下年唔可以再係咁架嘞！

出疹

原來出疹都有分真同假架!

星期二中午，小 BB 開始發燒，用額探最高都只係 38.5 ^OC，唔算高燒，肯玩肯食，只係有啲忟憎，我都係等到夜晚臨瞓前先比之前打針時，醫生開嘅退燒水比佢。

但監於近日流感高峰，所以決定都係帶瞳瞳去睇醫生！

醫生話瞳瞳只係有少少感冒，但情況並不嚴重，皆因 .. .. .. .. 超精神 + 撩人玩，醫生話佢都唔似病病，而更加唔似出疹 (玫瑰疹之類) ，如果係出疹發燒，一定係高燒！

醫生又解釋，點解小BB只係近黃昏及晚間先發燒，皆因哩啲係每一個人嘅正常反應 “午後潮熱” ，小BB只係體溫較高，所以到夜晚就變咗微燒！再加上小BB身體內嘅mama 抗體已經用得七七八八，微燒代表僅佢同細菌小子打僅交only！

醫生叔叔仲糾正我，話 mama milk 內嘅抗體，只係 for 腸胃方面！

醫生叔叔超細心

小BB燒咗三日，星期五終於冇再發燒了 .. .. .. 但半夜開始狂扭，狂喊！至少一個鐘喊一次，試過十分鐘一次 .. .. .. 攪到我成晚冇瞓過.

直至星期六晚 .. .. .. 工人姐姐先發現小 BB 身上出現咗紅印 .. .. .. 出疹！

星期日返去搵醫生叔叔！

醫生叔叔話係正常反應，因小BB未接觸過感冒菌，就算打勝仗，都仲有少少病菌留咗係身體裡面，而家用令一種方法驅散僅 .. .. .. 咁我明白點解哩兩晚 (冇發燒) 小 BB 反而勁扭計，因為啲紅印 / 點 有少少痕！

同上次一樣，唔需要特別食藥，可以靠自己好返！但若然半夜痕痕，可以飲上次嗰支 “收鼻水止敏感止痕” 嘅藥水 .. .. .. 到最後 .. .. .. 醫生叔叔連診金都唔收呀！

好開心可以幫小 BB 搵到個好好醫生叔叔看門口！