終於有機會帶瞳瞳去睇下花草樹木同親親狗仔嘞！
初初都有啲怕佢會驚，但當入到公園，見到大大小小嘅狗仔時，瞳瞳好開心好興奮！雖然都有比狗吠，但都冇損佢同狗仔玩嘅興致！
佢同哩隻叫 milky 嘅狗仔玩咗好耐 (其實係瞳瞳揸住 milky 個波波唔放，雖然係咁，milky 都冇去搶番個波波返唻)，其間 milky 都有出手去抓個波波，不過我都放膽去比瞳瞳試下同動物相處，所以喺安全嘅環境下都冇加以阻止. 我見到有一兩下都應該有啲痛 (從觀察瞳瞳嘅面部表情得之)，但佢都冇喊，叻叻豬！[哩方面可能似我，我細個家中亦曾經養過狗，我記得我試過爬上狗仔身上，當馬咁騎，當然比佢 "撻" 番我落唻啦]
同狗狗玩完後，就繼續喺公園裡面自己暴走 .... 我要久唔久同佢講聲 "bye bye"，佢先識返轉頭！
沒有留言:
張貼留言