一向乖巧聽話貪吃嘅瞳瞳, 大約由九月初開始久唔久就玩絕食. 拒絕一切固體食物, 包括以往喜歡食嘅粥飯abc粉通粉同意粉 ..... 最嚴重嘅時候, 一啖都唔食 (係一日兩餐都唔食, 餓佢咩, 佢又冇咩所謂), 食咗又會吐番出唻 ..... 最後連麵包都唔要 ...... 好彩仲有米糊 ...... 咁先未至於飲足五餐奶 ......
瞳瞳絕食期間, 其實我都受咗好多壓力 ..... 一方面擔心, 另一方面四出尋求食譜, 嘗試唔同質感味道嘅固體食物 ..... 但全軍覆沒 ....... 再加上 屋企人唔同嘅聲音 ..... 婆婆就話你一粒鹽都唔落, 冇唻味道, 鬼有人食咩 ...... 瞳爸轉頭就話 個女都食唔慣有味嘢 ....... 不如你比番白飯佢啦 ..... 又或者試下哩樣個樣 ...... 而久唔久又打唻問瞳瞳食番嘢未呀 ...... 我打番去問姐姐, 姐姐又問我點算 .......
我真係投晒行 .......
比咗米糊兩日, 姐姐又走去試番粥 ..... 之後又唔食 ...... 每日返到娘家, 又比婆婆問 ....... 返到公司 ...... 又比爸爸打唻問 ........
好彩到咗九月尾, 總算肯開口 ..... 但每次都要氹好耐先肯食第一啖 ..... 又得意喎, 試咗一啖之後就劈大個口叫你餵 ......
但有時食咗半碗, 就會開始玩 ...... 食完又吐 ..... 最近仲 bu .....
暫時叫做解法咗用餐嘅問題 .... 接住就係 "打人" ~~~
一向係瞳瞳面前, 我哋都避免用 "打" 字去講任何嘢 ..... 會用 "拍拍" 手 或係 "摸摸" 之類去教佢 或者 轉移視線. 老人家都試過 話 "打打" 曳曳 嘅說話, 但一一都被我哋禁止.
但惡夢仍然到來 ..... 試過無聊行過打姐姐 ...... 亦試過發脾氣走去打人 ...... 有時當我哋用眼睛視意 "唔可以" 嘅時候 .... 瞳瞳都會即刻走返過唻 呵返我哋 ...... 但有時亦會繼續發惡 .......
同佢講, 佢又好似明 ..... 但可能都仲係細個, 哩頭講嗰頭唔記得, 再唻過 .......
頭都大了~~~ 唔想佢培養一個 出手打人 嘅習慣啊 ~~~
我兒牲女都係咁, 成日打人, 都唔知有咩野方法教佢. 佢媽媽話佢依家唔打人啦.....轉左咬人, 點算!!!
回覆刪除[版主回覆10/04/2011 14:28:00]我都好怕佢咬人 .... 因咬人一定好痛. 瞳瞳有時忟忟哋會咬自己(有牙印), 又或者咬我哋啲衫 ...... 唉!
善泓都試過咬我, 我估佢係學其他小朋友，我有同佢講打打同真係有打佢..佢知道痛就無再咬我~~~ 食野方面，瞳瞳都好好，咁遲先出現呢個情況，可能個個小朋友都會有...相信只係一個過渡期...加油!!! 善泓食到大半之後都會放慢....我就比d水佢飲, 再同佢講d飯有湯湯, 佢又會肯食.....慢慢來啦...好快會回復正常
回覆刪除