意外地 ...... 有咗 .........
雖然一向都想生多個, 陪下瞳瞳, 減輕下佢可能將會有嘅公主病 ..... 點知 ..... 反而係我自己吃不消 ..........
心理上同生理上都未再 ready ...... 1st trimester 真係過得好辛苦 ...... 要應付年老嘅生軀 [嘔足兩個月, 到進入咗 2nd trimester 先有少少改善], 走唻走去嘅瞳瞳, 仲有心理上! [衰啲講句, 今次再懷孕, 比起陀瞳瞳時, 啲咩開心呀, 興奮呀 .... 全部欠奉 ...... 第一個念頭係 ...... 點算呀 ....... 仲試過 1516, 唔知要唔要好 ...... ]
心裡面成日唸, 其實有瞳瞳一個我就心滿意足了 .... 再多個, 我真的吃不消 ..... 我怕我冇足夠嘅精神, 時間, 金錢去養多隻小魔怪啊.
曾經有唸過幫瞳瞳揀一啲讀得開心又培育到品格, 自信及思考嘅學校, 就算係直資都唔介意 .... 而家條數又要計過 ...... 真係唔忍心為咗 小b 而奪去 本來想給予瞳瞳的一切 .....
佢將會有一個妹妹, 去分享媽媽對佢嘅愛 ........
好耐冇睇你個blog, 因為忙於阿女返學d野好忙.........我個女都係叫Katrina, 同你個女一樣.........好開心知你有了bb, 現在應該生了............我都想生呀, 但努力了好耐都未有....唔知點算.........我都係1516, 因如果有了, 真係負擔大了好多...........現在得一個女, 時間都成日唔夠用...........到時兩個, 去食野, 去旅行, 讀書, 學野樣樣double, 真係好驚
回覆刪除[版主回覆09/12/2012 14:16:53]7月中已經生咗妹妹了, 足月, 但都係得5磅幾, 但妹妹出世後因為有先天病, 所以住咗近三星期醫院, 妹妹出院後又比較忙, 去醫院覆診, 瞳瞳開學, 我都好少開電腦上網了, 連寫BLOG嘅心情都冇乜, 可能要等我下個月返咗工先反而有時間.
雖然一路都想生多個小朋友陪瞳瞳, 但冇唸過咁快 ..... 而家唸番轉頭, 生一個真係輕鬆好多, 起碼可以將全部心機放喺大女身上 .....