美美廚房, 玩咗又講

收貨嘞收貨嘞!
咁啱今日帶咗瞳瞳返婆婆處, 帶完瞳瞳打針後就收咗貨. 襯條o靚妹入咗房瞓, 我就開始拆拆拆

嘩 ..... 打箱保護都做得幾好. 打開後發現係原裝packing .... 更加開心

unpacking 後更加愛不惜手 ........ [質量好好, 開封後並未發覺得太起眼嘅瑕疵]
婆婆當初都話貴, 但當開封後就話都唔算好貴喎

只可惜我要趕住出去睇醫生, 唔可以等瞳瞳起身, 好想睇下佢見到新玩具後嘅第一個反應.

但可惜 ..... 返到娘家, 廚房已經見有明顯傷痕 ...... 好痛心啊!

返到屋企, 瞳瞳瞓咗後, 就再 unpack 個廚房, 擺好位, 安置它

第二朝一起身, 就要玩 .... 總算有啲安慰

後記: 尋晚瞳瞳又再掉個pan落地, 又再花了. 今次我捉住咗佢, 話佢知個 pan 痛痛, 仲 show 比佢睇花咗, 瞳瞳見到後都發覺唔同咗, 仲有少少扁嘴 [睇唻我哩招 動之以情 好似都有效], 之後就教佢要擺擺, 唔可以掉. 希望今晚唔會再發現有新傷痕啦.