近況

自從妹妹出世後, 真係忙到冇朋友, 再加上同一時間瞳瞳開學, 又要搜集 K1 升學資料, 報名, 面試 等等等, 連寫 BLOG 都冇心機了. 暫時 POST 下相 UPDATE 下.

妹妹出世時先發現有先天皮膚問題 "collodion baby", 住咗 廿一日醫院, 所以坐月期間, 每日都要去醫院探妹妹.
妹妹而家 應該 冇事了 (喺醫院觀察時, 換咗第一次皮), keep 住返醫院做 check up.


而瞳瞳已經識講好多嘢, 甚至駁嘴, 但每次嘅內容都係爆笑多過激心

瞳瞳 兩歲生日會 之 麥記大派對 <後篇>

多謝各位送比瞳瞳嘅禮物, 返到屋企瞳瞳嘅情緒依然高漲
暫時仍然係最愛姨媽送嘅梳化仔 .... 瞳瞳唔比任何人坐, 要得到佢嘅邀請先可以

第二日放工返到屋企

瞳瞳 兩歲生日會 之 麥記大派對 <2>

3:30PM party 開始, 大家先叫啲嘢食, 傾下偈, 大約到 4:10PM party 姐姐就唻玩遊戲. 因為大部份都仲係小 bb, 所以都係玩啲簡單遊戲同唱下歌仔

party 姐姐帶令眾小朋友唱 ABC .... (其實我有少少想 中 個 party 姐姐 ..... , 扮聲都扮得幾驚, 不過我估小朋友係鍾意嘅)

玩完遊戲, 就到切 cake cake 嘞
嘩嘩嘩! 我為咗哩個蛋糕都唔知流咗幾多汗水 ..... 出到唻個效果好好. 希望瞳瞳大個睇返知道媽媽係好鍚佢啦. 出錢出力出心機, 仲要大熱天時腹大便便咁行去工廠區間 cake shop 傾下個蛋糕點整!

飲飽食醉後, 唻到壓軸遊戲 -- crazy balloon time (其實哩個環節我事先係唔知架. 因為我一路以為比 $230 訂一 set 汽球裝飾咁平, 之後喺要還返比麥記, 但原來我錯了. 全部波波可以原裝攞走, 又或者好似而家咁, 拆件比小朋友玩)
哩個環節, 比起由 party 姐姐帶令嘅 開心好多.

大家玩波波玩到 5:15 pm 都唔捨得走, 我見啲 party 姐姐亦好有禮貌咁喺出面等. 我哋唯有用九秘九收拾細軟離開

其中一個選擇入到去太和開 party 嘅原因, 係因為哩處有個 outdoor playground. book 場時已經問過, 如果天氣好的話, 出面 outdoor 係會開放比公眾人士入去玩, 只可惜嗰日雖然好似冇咩落過雨, 不過 outdoor 都冇開. 我估唔開放嘅其一原因, 係因為出面已經日久失收, 地下見到由屋村掉咗落唻嘅衫褲垃圾 ..... 真係可惜. 不過 overall 唻講 有大玻璃窗開嘅生日會係開心啲.

瞳瞳 兩歲生日會 之 麥記大派對 <1>

終於到生日會嘅大日子嘞! 雖然話就話星期日有場, 但都只係得返 3:30pm 開始, lunch 同 dinner 嘅時間都唔夾, 唯有當係 tea party 啦.
錯有錯著, 哩啲時間瞳瞳可以係屋企瞓個靚仔午睡, 之後開開心心咁出發. 唔知係咪真係知道自己開 party 做主角, 成個換衫出門口嘅過程都好聽話 (其實朝早都有少少扭計, 出發前仲要換著未著過嘅新衫 - 母女裝, 仲要係藍色)
兩手 fling fling 去開 party, 我都係第一次, 有啲唔慣


場地有 min. charge, 不過喺麥記開 P 貴極有限, 所以就加錢訂咗啲 BALLOON 裝飾 同 波波棒比小朋友做禮物. 由於大部份麥記場都只可容納 40 - 60 人, 太和麥記 max. 45人, 為免朋友們坐得好迫, 我只係請咗部分朋友, 希望其他朋友可以見諒

十

未有人唻, 跳番 part 舞先

舉起波波棒, 再跳

今日大解放, 可以食薯條, 雪糕, 同曲奇沙冰


待續 .......

瞳瞳 兩歲生日會 之 麥記大派對 <準備篇>

今年因為陀住妹妹, 又要開始準備入學嘅事, 瞳瞳生日會決定去麥當勞攪一場就算. 記得上年連埋 HOUSE WARMING 兩個月內開咗四場, 人都癲埋.

五月初開始籌備, 唸住都仲有大把時間, 一問之下又一城麥記嘅 WEEKEND 已經 FULL 到去八月 ...... 新城市亦得返夜晚 7:30PM 時段. 心水就腳嘅地方冇嘞. 唯有再唸唸. 官塘線 - 官塘太多人, 鑽石山同樂富好舊, PARTY 位置冇窗, 好暗. 黃大仙個場好細又嘈, 第一城雖然新裝修, 但 PARTY 位都係冇窗, 最後向北移, 揀咗太和獨立屋嘅麥當勞.

跟住就著手攪個蛋糕 ..... 蛋糕主題希望係瞳瞳最愛嘅芝麻街, 但可惜市面嘅芝麻街蛋糕造型大多都變哂老番樣, 最後決定喺市面搵 SESAME STREET 嘅 FIGURE, 再交比 CAKE SHOP 做 DECO ...... 但原來香港好難搵到有質數嘅 FIGURE (除非去廟街 $30 一盒有十隻嗰啲, 但放喺蛋糕上面始終唔放心擺入口食). 幾經波折終於喺 EBAY USA 搵到. 但之前因為某些原固, 到六月初都仲未開始喺 EBAY 落 BID, 結果最後用 UPS 寄唻 HK .... 運費仲貴過啲 FIGURE. (比我喺同一個 SELLER 處搵到架 SESAME STREET SCHOOL BUS, 瞳瞳大愛, 決定一拼訂回來)

雖然貴就貴咗啲, 但見佢每日都有玩架巴士, 又會擺啲公仔排隊上車 (雖然有時比咗排後面嘅公仔上車先, 但至少有一個排隊嘅 concept ..... 唯有再慢慢教), 都已經好滿足了. 哩 set FIGURE 同 架 SCHOOL BUS, 就當係你份生日禮物啦

希瞳 VS 駁咀 VS 傻豬豬

瞳瞳隨咗近排超痴身外, 我又發覺佢識多咗嘢嘞!

無意間發現, 佢識得叫自己做 "希瞳", 亦都知道 "我" 係代表自己 .... 而且仲開始識 駁咀

場景: 一家三口到餐廳晚飯, 瞳瞳要跟我坐, 因為冇 BB 櫈或 HIGHCHAIR, 全程兩頭郁
爸爸: 你唔好周圍郁, 再郁我過唻捉你同我坐
瞳瞳: 我走 ........
媽媽:

過咗一陣
爸爸: 下次唔帶你出街, 留低你喺屋企陪姐姐
瞳瞳: 好呀! 陪姐姐 ......
媽媽:

我忍笑忍得好辛苦啊 ~~~

背景: 近排瞳瞳咩都話唔好, 唔肯換衫, 唔肯換片, 每次我只比佢揀 "要媽媽換 定 姐姐換", 瞳瞳多數揀媽媽, 之後仲要扮 BB 叫我打橫抱佢.
媽媽: 你係瞳瞳豬 .... 咁媽媽係咩呀?
瞳瞳: 媽媽豬
媽媽: 咁爸爸呢?
瞳瞳: 爸爸豬
媽媽: 咁妹妹呢?
瞳瞳: 妹妹豬
媽媽: 咁姐姐呢?
瞳瞳: 姐姐豬
有時會無啦啦叫自己做 "傻豬豬"

22個月嘅瞳瞳

下星期就23個月, 襯仲有記憶, 記低先

1. 瞳瞳有時會主動同陌生人打招呼, 有一次入 lift (嗰日帶咗個小手袋出街), 見到有個叔叔. 瞳瞳就攞起自己個手袋仔, 同叔叔講 "叔叔, 靚靚呀" ~~~ 我笑到傻咗 [之後我再提瞳瞳, 要同叔叔講 "你好" , 之後瞳瞳都有補返講句 "叔叔你好"]
   
2. 久唔久會指住啲嘢 (如牙擦, 水杯, 水樽) 話 "哩個爸爸嘅, 哩個媽媽嘅, 哩個瞳瞳嘅"
   
3. share 食雪糕或者蛋糕時, 每次問佢 "而家到邊個", 瞳瞳識跟次序講 "到媽媽嘅 / 到瞳瞳嘅 / 到爸爸嘅"
   
4. 每晚放工返屋企, 我都要瞳瞳同我一齊 hug hug, 再講句 "welcome back", 每次問佢 "你掛唔掛住我呀?" 瞳瞳都會話 "掛住"
   
5. 每次同佢 或 瞳瞳 自己唱 barney 嘅 "I love you", 都必定會搵人 攬攬 同 錫錫 [氹得婆婆同嫲嫲好開心]
   
6. "I love you" song 已經由 "i love me, me love me" 唱返正確嘅 "i love you, you love me" [當初糾正佢時, 佢一唱 "i love me" 我就大聲少少唱 "i love you", 瞳瞳會好似鬥嘴咁, 點都要唱返 "i love me"]
   
7. 雖然未能夠好完整唱啱哂一首歌, 但已經可以唱到七成. 仲要啱 bit 啱音, 有時唱咗另一個 key 都啱音. [太陽伯伯, o mc donald, twinlke twinkle little star, i love you .... 有時仲自己用 elmo 首歌作歌詞 (melody of jungle's bell) 去唱 mamama, bababa, tungtungtung etc .......
   
8. 學會同我 jam 歌. 以前我唱佢唔唱, 而家可以一齊唱, 甚至我唱第一句, 瞳瞳會接住第二句 [ 如我唱 "the duck in the pond say" 瞳瞳會唱 "quark quark quark ....." and 我唱 "O mc donald had a farm" 瞳瞳會唱 "e ar e ar o"
   
9. 每次去到新城市三期 (即一田地下), 必定要去 book store, petit (揸車車), toonlands (搵 elmo), 寵物屋 (睇兔仔同 hamster) ...... 有時仲要入車行睇車
   
10. 試過話比姐姐聽要 poo poo, 而去咗 toilet 成功 poo poo (暫時只係一次, 而我未開始戒片, 但以往姐姐見到 瞳瞳有便意, 都會帶佢去 toilet), 瞳瞳 poopoo 完見到啲粒粒, 好開心.
    
11. 試過有一次朝早剛起身, 姐姐見片片未濕, 就帶瞳瞳去 toilet, 成功第一次係 toilet v v, 雖然事後見唔到, 但姐姐讚佢叻叻, 瞳瞳好開心.
    
12. 仍然未戒到奶咀, 早排仲出現倒退期, 要啜咀咀先肯自己一個玩. 但每晚放工聽到我開門, 都立刻擺低 / 交 咀咀 比姐姐.
    
13. 試過有一次食僅奶咀, 喺電視櫃面見到個奶咀蓋, 自己將奶咀蓋上, 再攞入房擺好, 出唻好開心咁話自己叻叻 (仲要做埋手勢).
    
14. 可以好明確指出, 妹妹喺係媽媽個肚 [初初會指住自己或者其他人個肚話係妹妹]
    
15. 每次我摸住個肚 "哎呀" / "shi shi shushu", 瞳瞳就知妹妹郁, 有時智話 "妹妹曳曳", 仲會叫 "妹妹乖" (伸手過唻摸摸肚)
    
16. 試過摸住我個肚, 話 "妹妹拖住, 去 sir (sir 滑梯嘅意思)"
    
17. 之前細個, 已經對 "一樣 / same" 有概念, 近排對於自己發現身邊 "一樣" 嘅事物, 就好開心. "一樣" 嘅係包括 exactly the same 嘅物品, 差唔多款嘅衫, 一樣公仔嘅物品, 卡通片內嘅主角與毛毛公仔 etc .....
    
18. 見到落雨會識得講 "raining", 仲知道要用 "傘"
    
19. 仲有好多好多 ..........

近排好痴人, 唔比任何人閂門換衫 / 去 toilet (如果姐姐煮僅飯, 得我睇住瞳瞳, 我要開門去 toilet). 去街特別指明要我抱, 有時真係比埋條命佢 ......

Reading Baby

終於收到早前係 book depository 訂嘅書, 6 本書, 分 5個 packing, 有兩份入咗信箱, 有三份上門簽收 ...... 究竟英國嗰邊點去 cost control 啲 shipping fee 呢

but anyway, 瞳瞳收到啲書, 好開心! 不斷要我同佢講故仔 ...... 我就 non stop 咁講咗半個鐘, 好鬼攰啊!

哩位小朋友我都唔知佢算唔算鐘意閱讀, 有時自己去書架攞完一本擷幾頁又轉另一本, 不過當我同佢講故仔時, 佢都好留心聽, 有時仲會比回應我 ....... 不過真係幾攰, 我咁鐘意講嘢都講到上氣唔接下氣, 可能係因為 妹妹 喺 肚內 occupy 咗啲位.

終於比人幫佢 扎 "邊" 嘞! 一入屋就話我知有 "邊邊" "靚靚"

敗敗敗

近排發咗癲，買完哩樣買嗰樣，一對鞋會買同款唔同色(HK polo shop & US online order)！
 
一心唸住買細半號，可以啱著，點知返到唻度一度，一樣架，唯有加鞋墊！

 
今次大敗US Gap and Old Navy，點知質量及顏色都係unexpected disappointment，US Gap型到連packing到包錯碼數，比細咗條legging我，幸好經投訴後美國方面肯refund返對legging比我而唔需要退貨。對full legging唯有當cropped legging著啦！
哩件係比較滿意嘅一件! 

同場加映於日本同US Gap敗比妹妹嘅物品！

製作工場

終於將封塵近一年嘅 SELPHY 從櫃桶攞返出唻，再上網 order 埋 postcard size 嘅相紙，就開始咗製作嘅生崖！


從唻未曾仔細咁研究過，而家先發現可以print shuffle嘅格格相，如果connect埋電腦，仲可以加好多美工圖案、月曆之類，我雙眼即時發光，但好可惜 ..... 家中唯一可用嘅notebook正進入退役階段，睇唻我要再敗一敗了(^_^)！

我要學做 BIG SISTER

經 BLOGGER 介紹, 無意間搵到啲書係可以先比瞳瞳了解 妹妹即將 來臨嘅情況. 每本 AROUND UK$4, 仲要 WORLDWIDE FREE SHIPMENT, 決定一試!


近排除咗繼續喪淘喪 SHOPPING 外 (好想 SHOPPING 去開心下), 都開始咗買多啲書比瞳瞳睇 (早排買咗套 ELMO 主題嘅點讀筆, 瞳瞳超愛, 每日必玩, 而且開始可以跟點讀筆嘅提示去認物件) !

本來應該親自去書店逛逛, 但實在無能為力了 .......

病了!

足足痛咗半個月. 由內感骨痛喉嚨痛開始 --> 喪咳 (咳足一星期, 每晚都咳醒) --> 聲沙 --> 喉嚨又痛 + 傷風
產檢睇埋病病, 醫生只係開咗 維他命 C, 喉糖 同 抗敏感藥
再睇家庭醫生, 咳水, 咳藥, 止痛 同 抗敏感藥
最後睇咗兩次中藥 (四劑苦茶 再加翻煲) 先可以控制喪咳
但而家又開始 喉嚨又痛 + 傷風

已經唔知可以再做啲咩嘞 ..... 灰爆!

加埋 鈣片同孕婦多種維他命, 每日食藥都食到飽

衝衝衝‧衝出香港之沖繩之旅 <一>

籌備咗個多月嘅沖繩之旅, 終於啟航 (其實個行程都係早兩日先編好)

瞳瞳第一次到香港機場, 見到個地方又大又高, 已經natural high了, 到咗閘口等上機, 好彩搵咗個角落 settle down (三邊有玻璃及牆身包圍), 但久唔久都比瞳瞳突破重圍, 成功逃走. 鬼咩, 比佢發現咗出面有好多 shop, 仲有玩具鋪, 多嘢睇, 比著係我都走佬.

可能因為係團體 ticket, 而且啟程前係由旅行社攞位, 所以冇安排到較前嘅位置比我哋, 不過都冇乜所謂, 因為瞳瞳哩程飛機尚算合作, taking off 時因為要坐定定, 所以唔耐煩, 我哋就唯有不斷比餅佢食. 飛機餐因訂位時冇order 到兒童餐, 航空公司比咗 baby food, 瞳瞳第一次食樽裝食品, 顯然未能習慣, 只食咗樽果蓉同飲咗果汁, 雖然空姐比多份餐我哋, 但瞳瞳連我哋啲飯都唔食, 就尤得佢了. (可能上機前食咗我哋半碗通粉早餐). Landing 時可能氣壓改變, 瞳瞳不斷拍打耳仔 (應該係耳仔痛), 唯有再出動餅仔同飲水. 而降落時爸爸同佢扮騎馬, 所以著地嗰刻瞳瞳都玩得好開心. 就連後座嘅姨姨都贊瞳瞳叻女. 不過回程時就 ……. 可能因為眼瞓, 肚餓, 而且等咗好耐先 taking off ….. 瞳瞳發哂癲咁喊, 一路食餅, 一路喊, 一路話要食咀咀, 又不斷拍心口話驚驚 ……. 過咗好耐先喊到瞓著. 反而 landing 時就冇再出現耳仔痛.

請放過我!

請不要再磨滅我僅餘嘅意志, 好嗎?

美美廚房, 玩咗又講

收貨嘞收貨嘞!
咁啱今日帶咗瞳瞳返婆婆處, 帶完瞳瞳打針後就收咗貨. 襯條o靚妹入咗房瞓, 我就開始拆拆拆

嘩 ..... 打箱保護都做得幾好. 打開後發現係原裝packing .... 更加開心

unpacking 後更加愛不惜手 ........ [質量好好, 開封後並未發覺得太起眼嘅瑕疵]
婆婆當初都話貴, 但當開封後就話都唔算好貴喎

只可惜我要趕住出去睇醫生, 唔可以等瞳瞳起身, 好想睇下佢見到新玩具後嘅第一個反應.

但可惜 ..... 返到娘家, 廚房已經見有明顯傷痕 ...... 好痛心啊!

返到屋企, 瞳瞳瞓咗後, 就再 unpack 個廚房, 擺好位, 安置它

第二朝一起身, 就要玩 .... 總算有啲安慰

後記: 尋晚瞳瞳又再掉個pan落地, 又再花了. 今次我捉住咗佢, 話佢知個 pan 痛痛, 仲 show 比佢睇花咗, 瞳瞳見到後都發覺唔同咗, 仲有少少扁嘴 [睇唻我哩招 動之以情 好似都有效], 之後就教佢要擺擺, 唔可以掉. 希望今晚唔會再發現有新傷痕啦.

龍龍龍龍龍龍龍 BBBBBBB

意外地 ...... 有咗 .........
雖然一向都想生多個, 陪下瞳瞳, 減輕下佢可能將會有嘅公主病 ..... 點知 ..... 反而係我自己吃不消 ..........
心理上同生理上都未再 ready ...... 1st trimester 真係過得好辛苦 ...... 要應付年老嘅生軀 [嘔足兩個月, 到進入咗 2nd trimester 先有少少改善], 走唻走去嘅瞳瞳, 仲有心理上! [衰啲講句, 今次再懷孕, 比起陀瞳瞳時, 啲咩開心呀, 興奮呀 .... 全部欠奉 ...... 第一個念頭係 ...... 點算呀 ....... 仲試過 1516, 唔知要唔要好 ...... ]
心裡面成日唸, 其實有瞳瞳一個我就心滿意足了 .... 再多個, 我真的吃不消 ..... 我怕我冇足夠嘅精神, 時間, 金錢去養多隻小魔怪啊.
曾經有唸過幫瞳瞳揀一啲讀得開心又培育到品格, 自信及思考嘅學校, 就算係直資都唔介意 .... 而家條數又要計過 ...... 真係唔忍心為咗 小b 而奪去 本來想給予瞳瞳的一切 .....
佢將會有一個妹妹, 去分享媽媽對佢嘅愛 ........

美美廚房, 玩咗先講

一路都好想買個廚房 或 一啲廚房玩具比瞳瞳, 希望佢可以玩下角色扮演 .... 但一路都睇唔啱! 市面上賣嘅膠廚房, 又搵唔啱, 最後經前鄰居嘅推介 .... 就沈淪了.

Mother Garden ..... 一個日本牌子 ..... HK 只係得少數嘅店鋪有得賣, 但價錢同日本一樣 ..... 好好好好 ...... 貴!

把心一橫, 不如淘一淘罷!

星期日先去 新浦崗 睇現貨, 瞳瞳喺門口見到個廚房, 就已經衝咗入去, 唔捨得走!

之後就決定 ..... 拍下它 ..... 成為 淘戶 以來, 最貴嘅一件貨品.

熱切期待瞳瞳的美美廚房